அமேசான் பிரைம் உரிமையும் லாபமும் தட்டிப்பறித்த தமிழ்ராக்கர்ஸால் பொன்மகள் வந்தாள் பாதிப்பு

நடிகர் சூர்யா தயாரிப்பில், நடிகை ஜோதிகா நடித்த 'பொன்மகள் வந்தாள்' திரைப்படம் மே மாதம் 29 ஆம் அமேசான் பிரைம் தளத்தில் மே 29 ம் தேதி வெளியாகும் என அறிவிக்கப்பட்டு பின் ஒருநாள் முன்னதாக 28 ஆம் தேதி இரவு 10.30 மணிக்கே வெளியிட்டார்கள். அமேசான் பிரைம் தளம் அதிகாரப்பூர்வமாக வெளியிடுவதற்கு முன்பே பைரசி இணையதளமான தமிழ் ராக்கர்ஸ் வெளியிட்டது, வேறு வழியில்லாமல் திட்டமிட்ட நேரத்திற்கு முன்பாக வெளியிடும் நிலைக்கு அமேசான் தள்ளப்பட்டது. தியேட்டர்களில் வெளியாகும் புதிய படங்களையும் தமிழ் ராக்கர்ஸ் தளம் உடனடியாக வெளியிடும். வெளிநாடுகளில் உள்ள தியேட்டர்களிலும் படத்தை வெளியிடுவதால் தான் தமிழ் ராக்கர்ஸ் படத்தை அங்கிருந்து படம் பிடித்து வெளியிடுகிறது என்று புகார் தெரிவித்தார்கள். சில சமயங்களில் தமிழ்நாட்டில் உள்ள தியேட்டர்களில் இருந்தும் திரைப்படங்கள் திருட்டுத்தனமாக படமாக்கப்படுகிறது என்ற குற்றச்சாட்டும் எழுந்தது. தியேட்டர்களில் வெளியாகாமல் நேரடியாக அமேசான் தளத்தில் வெளியான ஒரு படத்தை பைரசி இணையதளமான தமிழ் ராக்கர்ஸ் எப்படி வெளியிட்டது என்ற சந்தேகம் எழுந்து படத்தைத் தயாரித்துள்ள சூர்யாவின் 2 டி என்டெர்டெயின்மென்ட் நிறுவனத்திடம்தான் படத்தின் இறுதிப் பிரதி இருக்கும். அங்கிருந்து நேராக அமேசான் பிரைம் நிறுவனத்திற்கு படத்தின் பிரதி சென்றிருக்கும். இடையில் எங்கிருந்து படம் உருவப்பட்டிருக்கும். ஹார்ட் டிஸ்க் மூலமாக படத்தின் பிரதி சென்றிருக்கும் அல்லது தயாரிப்பு நிறுவனத்தின் தனிப்பட்ட கம்ப்யுட்டரிலிருந்து அமேசான் நிறுவனத்திற்கு படத்தின் 'பைல்' அனுப்பப்பட்டிருக்கும். ஓடிடி தளத்தில் முன்னணி நிறுவனமான அமேசான் இதற்கு பல பாதுகாப்பு வழிமுறைகளை நிச்சயம் கையாண்டிருக்கும். அவ்வளவு சுலபத்தில் அவர்களிடமிருந்து படத்தின் பிரதியைத் திருடியிருக்க வாய்ப்பில்லை. அடுத்து படம் வெளியாவதற்கு முன்பாக சில பல சினிமா பிரபலங்களுக்கு தனிப்பட்ட (பிரைவேட்) லின்க் மூலமாக படத்தைப் பார்க்க வைத்திருக்கிறார்கள். அப்படி படம் பார்த்தவர்கள் மூலமாகக் கூட படத்தை கேமரா வைத்து படமாக்கியிருக்கலாம். அல்லது 'ஸ்கிரீன் கேப்சரிங்' முறையில் படத்தை அப்போதே டவுன்லோடு செய்திருக்கலாம். இந்தியாவில் வெளியிடுவதற்கு முன்பாக படத்தை வேறு நாடுகளில் வெளியிட்டிருந்தாலும் அதை உடனடியாக டவுன்லோடு செய்து இந்தியாவில் வெளியிட திட்டமிட்டிருந்த நேரத்திற்கு முன்பாகவே படத்தை தமிழ் ராக்கர்ஸ் வெளியிட்டிருக்கலாம். இந்தியத் திரையுலகில் முதல் முறையாக தியேட்டர்களில் வெளியாவதற்கு முன்பாகவே முன்னணி நடிகர்களின் படங்களைத் தங்களது தளத்தில் வெளியிட அமேசான் முடிவு செய்த போதே அதை வேறு எந்த வகையிலும் 'காப்பி' ஆகி பரவாமல் இருக்க தடுத்திருக்கலாம். ஏற்கெனவே, ஓடிடி தளங்களில் வெளியாகும் வெப் சீரிஸ் தொடர்கள் உள்ளிட்டவை இப்படி பைரசி தளங்களில் வெளியாகி வருகின்றன. இந்தியாவில் உள்ள திரைப்படத் தயாரிப்பு நிறுவனங்களோ, அரசுகளோ தமிழ் ராக்கர்ஸ் இணையதளத்தை இந்தியாவில் தடுக்க முயற்சித்தும் அது நடைபெறவில்லை. ஓடிடி நிறுவனங்கள் ஒன்றிணைந்து தமிழ் ராக்கர்ஸ் இணையதளத்தை இந்தியாவில் முற்றிலும் தடுக்குமா என்ற எதிர்பார்ப்பு எழுந்தாலும் அப்படி ஒருவேளை அது நடந்தால், இந்தியத் திரையுலகத்திற்கு பேருதவியாக இருக்கும். தமிழ்ராக்கர்ஸ் கில்லாடிகள் தான் போல மக்கள் பேசுவது போல சுமார் 4 கோடி ரூபாய்க்கு தயாரான பொன்மகள் வந்தாள் திரைப்படத்தை 9 கோடி ரூபாய்க்கு அமேசான் பிரைமிற்கு விற்பனை செய்துள்ளார்களாம்! எனத் தகவல் உண்மை என்றால் ராக்கர்ஸ் செய்த இந்த ராகிங் வேலை பல தியேட்டர் உரிமை டாலர்கள் மகிழ்ச்சியுடன் இருக்க அவர்கள் லாபம் பறிபோகாததால்தானோ.