சென்னை உயர்நீதிமன்றத்தின் 327 பக்கத் தீர்ப்பில் சின்னச்சாமி உள்ளிட்ட ஆறு நபர்களின் தூக்குத்தண்டனை ரத்து

சங்கர் என்பவர் கொலை வழக்கில், கௌசல்யாவின் தந்தை சின்னசாமி உள்ளிட்டோருக்கு விதிக்கப்பட்ட மரண தண்டனையை எதிர்த்த மேல்முறையீட்டின் தீர்ப்பை சென்னை உயர்நீதிமன்றம் இன்று வழங்கியது. உடுமலைபேட்டையை சேர்ந்த சங்கர் என்பவர் கொலை வழக்கில், கௌவுசல்யாவின் தந்தை சின்னசாமிக்கு விதிக்கப்பட்ட தூக்குத் தண்டனையை ரத்து செய்து தீர்ப்பளித்துள்ளது. திண்டுக்கல் மாவட்டம், பழனியைச் சேர்ந்த கவுசல்யா கல்லூரியில் தன்னுடன் படித்த ஆதிதிராவிடர் சமூகத்தைச் சேர்ந்த சங்கரை 2015 ஆம் ஆண்டு பெற்றோரின் எதிர்ப்பை மீறி அவர்கள் ஆதரவின்றி திருமணம் செய்துகொண்டார். இதில் கௌசல்யாவின் பெற்றோர் தொடர்ந்து மிரட்டல் விடுத்து வந்ததாக கூறப்பட்ட நிலையில், 2016 ஆம் ஆண்டு மார்ச் மாதம் 13 ஆம் தேதி கௌசல்யாவையும், அவருடன் வந்த சங்கரையும், திருப்பூர் மாவட்டம் உடுமலைப்பேட்டை பேருந்து நிலையம் அருகில் மூன்று பேர் சேர்ந்து சரமாரியாக வெட்டியதில் சங்கர் உயிரிழந்துவிட பலத்த காயங்களுடன் கௌசல்யா உயிர் தப்பவே. இது தொடர்பான வழக்கை விசாரித்த, திருப்பூர் நீதிமன்றத்தின் நீதிபதி அலமேலு நடராஜன், குற்றம்சாட்டப்பட்டவர்களில் கௌசல்யாவின் தாயார் அன்னலட்சுமி, அவருடைய தாய்மாமன் பாண்டித்துரை, பிரசன்னா ஆகிய மூவரையும் விடுவித்தது போக மீதம் ஒன்பது பேரில் கௌசல்யாவின் தந்தை சின்னச்சாமி, ஜெகதீசன், மணிகண்டன், செல்வக்குமார், கலை தமிழ்வாணன், மதன் என்ற மைக்கேல் உள்ளிட்ட ஆறு பேருக்கு மரண தண்டனை விதித்துத் தீர்ப்பளித்தார்.ஒன்பதாவது குற்றவாளியான ஸ்டீபன் தன்ராஜுக்கு இரட்டை ஆயுள் தண்டனையும் பதினோராவது குற்றவாளியான மணிகண்டனுக்கு ஐந்தாண்டு சிறை தண்டனையும் விதிக்கப்பட்டது. இதில் சின்னச்சாமிக்கு தூக்குதண்டனையோடு பத்து ஆண்டு கடுங்காவல் தண்டனையும் 3 லட்ச ரூபாய் அபராதமும் விதிக்கப்பட்டது. இதில் இரண்டு லட்ச ரூபாயை கௌசல்யாவுக்கு அளிக்கவும் உத்தரவிடப்பட்டது. ஜெகதீசனுக்கு தூக்கு தண்டனையோடு 1 லட்சத்து 30 ஆயிரம் ரூபாய் அபராதம் விதிக்கப்பட்டது. மணிகண்டன், செல்வக்குமார் ஆகியோருக்கு தூக்கு தண்டனையோடு தலா 1,65,000 ரூபாய் அபராதம் விதிக்கப்பட்டது. மரண தண்டனையை உறுதி செய்வதற்காக இந்த வழக்கு உயர் நீதிமன்றத்திற்கு பரிந்துரைக்கப்படவே, தண்டனையை எதிர்த்து குற்றம் சாட்டப்பட்டவர்களும், விடுதலையை எதிர்த்து காவல்துறை தரப்பிலும் மேல் முறையீட்டு மனு தாக்கல் செய்யப்பட்டது. இந்த வழக்குகளை நீதிபதிகள் சத்தியநாராயணன் மற்றும் நிர்மல்குமார் அடங்கிய அமர்வு விசாரித்தது. அனைத்து தரப்பு வாதங்களும் முடிவடைந்த நிலையில் இன்று வழக்கில் தீர்ப்பு வழங்கிய நீதிபதிகள், முதல் குற்றவாளியான கௌசல்யாவின் தந்தை சின்னசாமியை விடுதலை செய்து தீர்ப்பளித்தனர். அதேபோல், ஓன்பதாவது குற்றவாளியான தன்ராஜ் மற்றும் பதினோராவது குற்றவாளியான மணிகண்டன் ஆகியோரும் விடுதலை செய்யப்பட்டனர். மேலும், தூக்கு தண்டனை பெற்ற மற்ற 5 பேருக்கும் குறைந்தபட்சம் 25 ஆண்டுகள் சிறையில் இருக்க வேண்டும் என்ற நிபந்தனையுடன் ஆயுள் தண்டனையாக குறைக்கப்பட்டது. கவுசல்யாவின் தாயார் அன்னலட்சுமி உள்ளிட்ட 3 பேரை விடுவித்து காவல்துறை தாக்கல் செய்த வழக்கை தள்ளுபடி செய்தனர்.உடுமலப்பேட்டை சங்கர் கொலை வழக்கில் கௌசல்யாவின் தந்தை உட்பட ஐந்து நபர்களின் மரண தண்டனையை சென்னை உயர்நீதிமன்றத்தின் அமர்வு ரத்து செய்தது. நீதிபதிகள் எம். சத்தியநாராயணன் மற்றும் எம் நிர்மல் குமார் ஆகியோர் அடங்கிய டிவிஷன் பெஞ்ச் தனது 327 பக்க தீர்ப்பில் தந்தை பி.சின்னசாமியை விடுவிப்பதாக உத்தரவிட்டது. கௌசல்யாவின் தாயையும் மற்ற இருவரையும் திருப்பூர் மாவட்ட நீதிமன்றம் ஏற்கனவே விடுவித்ததையும் நீதிமன்றம் உறுதிப்படுத்தியது. உடன் பேசிய உடுமலை சங்கரின் தம்பி யுவராஜ், “தீர்ப்பைப் பற்றி நான் மிகவும் வருத்தமாக இருக்கிறேன்” என்றார்.தேவர் சமூகத்தைச் சேர்ந்த கௌ சல்யா, குடும்ப உறவுகளை மீறி ஆதிதிராவிட இளைஞரான ஷங்கரை மணந்தார் என்பதை நினைவு கூர வேண்டும். அவர் கொலை செய்யப்பட்டபின் பெரியார் திராவிடர் கழகத்தினர் ஆதரவுடன் வேறு நபருடன் இரண்டாம் திருமணம் செய்தார் தற்போது அவரது நிலை என்ன என்பது யாரும் அறிய முற்படுவதில்லை. ஆரம்ப காலத்தில் அவர்மீது பலரது அனுதாபம் தற்போது இல்லாமல் போக அவரது பின்னர் உள்ள ஒரு அரசியல் இயக்கம் தான் காரணமாகிறது. இதுவும் ஒருநாடகக் காதல் கதை திரைப்படமான திரௌபதி போல ஒரு பழனி கௌசல்யாவின் உண்மைக்கதை இது.