சாத்தான்குளம் முன்னால் காவல் ஆய்வாளர் ஸ்ரீதர் தப்பியோடிய போது கைதுசெய்து சி பி சி ஐ டி விசாரணை

முன்னால் காவல் ஆய்வாளர் ஸ்ரீதர் தப்பியோட முயன்ற போது கைது. சாத்தான்குளம் தந்தை-மகன் சித்ரவதை மரண வழக்கில் சாத்தான்குளம் காவல் ஆய்வாளர் ஸ்ரீதரை அதிரடியாக கைது செய்தது சிபிசிஐடி கவல்துறை தூத்துக்குடி சிபிசிஐடி அலுவலகத்தில் ஆய்வாளர் ஸ்ரீதரிடம் விசாரணை நடத்திய நிலையில் சாத்தான்குளம் காவல் நிலைய அலுவலர் என்ற அடிப்படையில் விசாரணை முடிந்ததும் சிபிசிஐடி. விசாரணைக்குப் பின் ஆய்வாளர் ஸ்ரீதர் கைது. கங்கைகொண்டான் செல்லும் வழியில் சிபிசிஐடி போலீசார் வழிமறித்து பிடித்து விசாரணைக்கு கூட்டிச் சென்றனர். உதவி ஆய்வாளர்கள் 2 பேர் ஏற்கனவே கைது செய்யப்பட்ட நிலையில் ஆய்வாளரிடம் விசாரணை நடந்திக் கைது உதவி ஆய்வாளர்கள் ரகுகணேஷ், பாலகிருஷ்ணன் , காவலர்கள் முருகன், முத்துராஜ் ஆகியோர் கைதான பின் தற்போது முன்னால் ஆய்வாளர் கைது தூத்துக்குடி சம்பவமும் பாத்ரூம் கால் கை உடைப்புகளும் என நண்பர் மூத்த பத்திரிகையாளர் பொன்மதி அவர்கள் குறிப்பிடுவது போல... தலைநகர் சென்னையில் மட்டும் பாத்ரூமில் வழுக்கி விழுந்து விட்டார்கள் என்று கடந்த ஆண்டும், இந்த ஆண்டும், கை உடைக்கப் பட்டவர்கள் எத்தனை பேர் என்று நினைவில் இருக்கிறதா மக்களே ? முதல்முறை குற்றம் செய்தால் ஒரு கை மட்டும் உடைப்பு, அல்லது ஒரு கால் மட்டும் உடைப்பு ! இரண்டாவது முறையும் அதே தவறை திரும்ப செய்தால், ஒரு கால் மற்றும் ஒரு கை உடைப்பு... அதாவது மன்னர்கள் ஆட்சியில் மதுரைவீரன் மாறுகால், மாறுகை பறி கொடுத்தது போலவே.. ”அப்படித்தான் செய்யணும், இன்னும் நல்லா நொறுக்குங்க உடைச்சுப் போடணும், அவனுங்கள சுட்டுத் தள்ளணும்” என்று கைதட்டி, உற்சாகப்படுத்தி மகிழ்ந்திருந்த மக்களில் பலர் தான் இன்று தூத்துக்குடி சம்பவத்துக்கு கொதிக்கிறார்கள்... குற்றவாளிகளை நீதித்துறை நடுவர் முன்பு நேர்நிறுத்தி, குற்றத்தை நிரூபித்து தண்டனை வாங்கிக் கொடுக்க நினைப்பதெல்லாம் விவாதமாகாத காரியம் என்று, ’ஒரு மாதிரியான நீதி’ யை காவல்துறை நிலைநாட்டிய போதெல்லாம் அதை வரவேற்றதின் பலன் தான் இன்று கிடைத்திருக்கிறது ! நீதித்துறை நடுவர் அவர்களையே அவமானப்படுத்தி, மிரட்டி, அவருக்கே நீதி கேட்கும் அளவுக்கு ஒரு சூழலை உருவாக்கிக் கொடுத்தது யார் ? - நாம் தான் மக்களே, நாம்தான் ! சாத்தான்குளம் இரட்டை கஸ்டடி கொலையில் சம்பந்தப்பட்ட ஒரு உதவி ஆய்வாளர் கைது செய்யப்பட்டுள்ளார். இந்த வழக்கின் விசாரணை முடிய ஒரு வருடம் முதல் மூன்று வருடங்கள் வரை கூட ஆகலாம். அப்படித்தான் ஆகும். அதுதான் நமது குற்றவியல் நடைமுறைச் சட்டம். சமூக வலைத்தளத்தில் நாம் பொங்குவதால், உடனடியாக குற்றவாளிகளை தூக்கிலிட்டு விட முடியாது. சட்டபூர்வமாகத்தான் தண்டனை பெற்றுத் தர வேண்டும். தாமதம் ஆகும்தான். தாமதமானாலும், வழக்கை முழுமையாக புலனாய்வு செய்து, 20 ஆண்டுகள் கழித்தும் முதல்வராக இருந்த ஜெயலலிதாவுக்குத் தண்டனை பெற்றது போல புலனாய்வு செய்வதுதான் சரி. ஒரு சிறுமியை பாலியல் வன்புணர்வு செய்தவனாகட்டும், ஒரு வயதான மூதாட்டியிடம் சங்கிலியை பறித்தவன் ஆகட்டும், முதியவர்களை கொலை செய்து நகையை கொள்ளையடித்தவன் ஆகட்டும். ஒரு இளம்பெண் முகத்தில் ஆசிட் வீசியவன் ஆகட்டும். எந்த குற்றவாளியாக இருந்தாலும், ஒருவரும் காவல் நிலையத்தில் துன்புறுத்தப்படக் கூடாது என்பதே நமது நிலைபாடாக இருக்க வேண்டும். சட்டபூர்வமாக, முழுமையான புலனாய்வு செய்து, நீதிமன்றத்தில் தண்டனை பெற்றுத் தர வேண்டும் என்பதே நமது கோரிக்கையாக இருக்க வேண்டும். அதுதான் சட்டத்தின் ஆட்சி. அதுதான் ஜனநாயகம். உணர்ச்சிப் பிழம்பாக இன்று சாத்தான்குளம் சம்பவத்தில் தொடர்புடைய காவல் துறையினரை துன்புறுத்த வேண்டும் என்ற் நாம் கோருவோமானால், நாளை நாம் இன்னுமொரு பல ஜெயராஜ் பென்னிக்ஸ் சம்பவங்களை பார்க்க நேரிடும். என்பது நமது இதழ் பப்ளிக் ஜஸ்டிஸ் பார்வை