மேற்கு தாம்பரம் அருகே சொந்த முன்விரோதம் காரணமாக தொலைக்காட்சி பகுதி செய்தியாளர் படுகொலை

மேற்கு தாம்பரம் அருகே நடுவீரப்பட்டு பகுதியில் தனியார் தொலைக்காட்சியின் செய்தியாளர் முன் விரோதம் காரணமாக இரண்டு சிறுவர்கள் உள்பட மூன்று நபர்களால் வெட்டிக் கொலை செய்யப்பட்ட சம்பவத்தில் சோமங்கலம் காவல்துறையினர் மூவரைக் கைது செய்தனர். காஞ்சிபுரம் மாவட்டம் சோமங்கலம் காவல் எல்லைக்குட்பட்ட நடுவீரப்பட்டு அடுத்த பழைய நல்லூரில் தம்பி மோசஸ் (வயது 28) குடும்பத்தினருடன் வசித்து வரும் தமிழன் தொலைக்காட்சி சோமங்கலம் பகுதிச் செய்தியாளர் நள்ளிரவில் நண்பர்கள் அழைத்ததால் கைத் தொலைபேசியில் பேசிக் கொண்டு வீட்டிலிருந்து வெளி வந்த போது பழையநல்லூர் பகுதியைச் சேர்ந்த சிறுவர்கள் உள்பட மூன்று நபர்கள் முன்விரோதம் காரணமாக மோசஸைச் சரமாரியாக வெட்டியதில் மோசஸ் மருத்துவமனைக்குக் கொண்டு செல்லும் வழியில் உயிரிழந்தார். இதில் பழைய நல்லூர் பகுதியைச் சேர்ந்த விக்னேஷ் என்ற எளியாப்பூ (வயது 20) அட்டை என்ற வெங்கடேசன் எனும் சிறுவன், மனோஜ் (வயது 19) ஆகிய மூவரும் கைது செய்யப்பட்டுள்ளனர். கொலைக்குக் காரணமாக இருந்த ரியல் எஸ்டேட் செய்யும் நவமணி என்பவரை சோமங்கலம் காவல்துறையினர் தீவிரமாகத் தேடி வருகின்றனர். விக்னேஷ் என்ற எலியாப்பூவின் அம்மாவை மோசஸ் கெட்ட வார்த்தைகளில் திட்டிய காரணத்தினால் தன்னுடைய இரண்டு நண்பர்கள் மனோஜ் மற்றும் வெங்கடேசன் ஆகியவர்களை அழைத்துக் கொண்டு வந்து போதையில் மோசஸை வீட்டின் வெளியே அழைத்துக் கடுமையாக வெட்டி படுகொலை செய்தனர். கொலை செய்யப்பட்ட மூன்று குற்றவாளிகளையும் காவல்துறையினர் இரண்டு மணி நேரத்தில் கைது செய்து விசாரணை செய்து இதில் ரியல் எஸ்டேட் பிடிக்கத் வேலை செய்யும் நவமணியும் இந்தக் கொலைக்கு காரணமாக இருப்பதாக முதல்கட்ட விசாரணையில் தெரிகிறது.படுகொலை செய்யப்பட்ட மோசஸ் என்ற இளைஞர் செய்தி வெளியிட்ட பிரச்சனைக்காக படுகொலை செய்யப் பட்டாரா அல்லது சொந்தக் காரணங்களுக்கா கொல்லப்பட்டாரா என்பது கொலையாளிகளின் வாக்குமூலத்தில் அறியலாம்.பத்திரிகையின் பகுதி செய்தியாளர் என்பதால் ஊடக உரிமைக்குரல் சார்பில் கண்டனம் தெரிவிக்கப்பட்டுள்ளது.