நேஷனல் ஹெரால்டு பங்கு வர்த்தகப் பரிமாற்ற வழக்கில் அன்னிய செலாவணி மோசடி காங்கிரஸ் தலைவர் சோனியா காந்தி மற்றும் ராகுல்காந்திக்கு ஆஜராக மீண்டும் புதிய சம்மன்

 நேஷனல் ஹெரால்டு பத்திரிகை தொடர்பான வழக்கில் ஜூன் மாதம் 13 ஆம் தேதி காங்கிரஸ் தலைவர் ராகுல் காந்தி ஆஜராக வேண்டுமென அமலாக்கத்துறை புதிதாக சம்மன் அனுப்பியுள்ளது.

நேஷனல் ஹெரால்டு பங்கு வர்த்தகப் பரிமாற்ற வழக்கில் அன்னிய செலாவணி மோசடி நடைபெற்றதென்பது அமலாக்கத்துறை பதிவு செய்த வழக்கில் காங்கிரஸ் இடைக்காலத் தலைவர் சோனியா காந்தி,  தலைவர் ராகுல் காந்தி விசாரணைக்கு ஜூன் மாதம் 8 ஆம் தேதி ஆஜராக வேண்டுமென ஏற்கனவே அமலாக்கத்துறை சம்மன் அனுப்பிய நிலையில் ராகுல் காந்தி  வெளிநாடு சென்றிருப்பதால் அமலாக்கத்துறை விசாரணைக்கு ஆஜராக கால அவகாசம் கோரியிருந்ததனையடுத்து  அமலாக்கத்துறை ராகுல் காந்திக்கு புது சம்மன் அனுப்பியுள்ளதில், ஜூன் மாதம் 13 ஆம் தேதி ராகுல் காந்தி விசாரணைக்கு ஆஜராக உத்தரவிடப்பட்டுள்ளது. சோனியா காந்திக்கு கொரோனா தொற்று உறுதி செய்யப்பட்டுள்ளதனால் வீட்டில் தனிமைப்படுத்திக் கொண்டு  சிகிச்சை பெற்று வருகிறார். அதையடுத்து  அமலாக்கத்துறை விசாரணைக்கு சோனியா ஆஜராவாரா? என்கிற கேள்வி எழும் நிலையில் விசாரணைக்கு ஆஜராக கால அவகாசம் கேட்க வாய்ப்பிருப்பதாகவும் தகவல்கள் தெரிவிக்கின்றன. சோனியா காந்தியைத் தொடர்ந்து அவரது மகளும் காங்கிரஸ் பொதுச்செயலாளருமான பிரியங்கா காந்திக்கும் லேசான கொரோனா தொற்று இருப்பது உறுதி செய்யப்பட்டிருப்பதும் தெரிகிறது.

நாடு விடுதலைக்கு முன் அசோசியேட்டடு ஜர்னல்ஸ் நிறுவனம், பன்டித ஜவஹர்லால் நேருவால் தொடங்கப்பட்ட நிறுவனத்தின் சார்பில் நேஷனல் ஹெரால்டு பத்திரிகை வெளி வந்த நிறுவனத்துக்கு காங்கிரஸ் கட்சி ரூபாய் 90 கோடி கடன் கொடுத்தது. ஆனாலும் நேஷனல் ஹெரால்டு பத்திரிகை நிறுத்தப்பட்டது. பின்னர் 2010 ஆம் ஆண்டில் அசோசியேட்டடு ஜர்னல்ஸ் நிறுவனத்தின் பங்குகள் யங் இந்தியா நிறுவனத்துக்கு மாற்றப்பட்டன. இந்நிறுவனத்தின் 76 சதவீதம் பங்குகள் சோனியா காந்தி, மற்றும் ராகுல்காந்தி வசம் உள்ளன. இந்தப் பங்கு பரிமாற்றத்தில் முறைகேடு நடந்துள்ளதாக பாரதிய ஜனதா கட்சியின் நாடாளுமன்ற உறுப்பினர் டாக்டர்  சுப்பிரமணியன் சுவாமி வழக்குத் தொடர்ந்தார். டெல்லி உயர்நீதிமன்றத்தில் நடைபெற்று வரும் இல் வழக்கில். நேஷனல் ஹெரால்டு விவகாரத்தில் அன்னிய செலாவணி மோசடி நடைபெற்றதாகக் கூறி அமலாக்கத்துறை வழக்கு பதிவு செய்தது.  இதில் முக்கியக் குற்றவாளிகளாக சோனியா காந்தியும் ராகுல் காந்தியும் சேர்க்கப்பட்டுள்ளனர். பாரதிய ஜனதா கட்சியின் மூத்த தலைவர் டாக்டர் சுப்பிரமணிய சாமி முதலில் விசாரணை நீதிமன்றத்தில் இந்த வழக்கைத் தொடர்ந்தார். இரண்டாயிரம் கோடி ரூபாய் மதிப்புள்ள ஹெரால்டு வெளியீட்டாளரான ஏஜேஎல் நிறுவனத்தின் பங்குகளை மாற்றியதில் முறைகேடு நடந்ததாகக் குற்றச்சாட்டு பதிவு செய்து

வழக்கு விசாரணை நடைபெற்றுவரும் நிலையில், குற்றவியல் நடைமுறை சட்டத்தின் 244 வது பிரிவின் கீழ், நிலம் மற்றும் மேம்பாட்டு பிரிவின் துணை அதிகாரியான உச்ச நீதிமன்ற செயலாளர் (பதிவு அதிகாரி), வருமான வரித் துறை துணை ஆணையர் உள்ளிட்ட குறிப்பிட்ட சில சாட்சிகளை அழைத்து இந்த வழக்கு தொடர்பாக விசாரணை நடத்த வேண்டுமென்று டாக்டர் சுப்பிரமணியன் சுவாமி கோரியிருந்தார். ஆனால், இந்தக் கோரிக்கை குறித்து பின்னர் பரிசீலிக்கப்படுமென 11 ஆம் தேதி விசாரணை நீதிமன்றம் தெரிவித்தது. இந்த உத்தரவை எதிர்த்து சுப்பிரமணியன் சுவாமி டெல்லி உயர் நீதிமன்றத்தில் மேல்முறையீடு செய்தார்.காங்கிரஸ் கட்சியின் கூற்றுப்படி, நிறுவனங்கள் சட்டப்பிரிவு 25 ன் சிறப்பு விதியின் கீழ் உருவாக்கப்பட்ட யங் இந்தியா, லாப நோக்கமற்ற நிறுவனமாகும். அதன் பங்குதாரர்கள் அல்லது இயக்குநர்களுக்கு லாப தொகை வழங்க முடியாதென தெரிவித்துள்ளது  கம்பெனி சட்டம் பிரிவு 25 ன் படி அமைக்கப்படும் நிறுவனங்கள் தங்களது லாபத்தையும் வருவாயையும் நிறுவனத்தின் பொருள்களுக்காக செலவு செய்ய வேண்டும். நிறுவனத்தின் உறுப்பினர்களுக்கு லாபத்தை அளிக்கத் தடை செய்யப்பட்டுள்ளது. நிறுவனங்கள் சட்டம், 2013 ன் பிரிவு 8, விளையாட்டு, கல்வி, ஆராய்ச்சி, சமூக நலன் மற்றும் சுற்றுச்சூழல் பாதுகாப்பு போன்ற பிற பொருள்களை உள்ளடக்கியது. கார்ப்பரேட் விவகார அமைச்சகத்திடமுள்ள விவரங்களின் படி, இந்தப் பிரிவின் கீழ் ஏராளமான நிறுவனங்கள் உருவாக்கப்பட்டுள்ளதில், ரிலையன்ஸ் அறக்கட்டளை, ரிலையன்ஸ் ஆராய்ச்சி நிறுவனம், அசிம் பிரேம்ஜி அறக்கட்டளை, கோகோ கோலா இந்தியா அறக்கட்டளை, அமேசான் கல்வி அறக்கட்டளை ஆகியவையும் அடங்கும்.ஒரு நிறுவனத்தை லாப நோக்கமற்ற நிறுவனமாக மாற்ற வேண்டும் என்றால், அதனை அறக்கட்டளையாக மாற்ற முடியாது. ஆனால், பிரிவு 25 மற்றும் பிரிவு 8 நிறுவனமாக மாற்றலாமென்று வரி தொடர்பான தகவல்கள் கூறுகின்றனர்.

நேஷனல் ஹெரால்டு பத்திரிக்கை வழக்கு பங்கு பரிவர்த்தனையில் ஏற்பட்ட முறைகேடு தொடர்பானது. இந்த வழக்கில் முக்கியக் குற்றவாளிகளாக சோனியா காந்தியும் ராகுல் காந்தியும் இணைக்கப்பட்டுள்ளனர். பாஜக தலைவர் சுப்பிரமணிய சாமி முதலில் விசாரணை நீதிமன்றத்தில் இந்த வழக்கை தொடர்ந்தார். 2 ஆயிரம் கோடி ரூபாய் மதிப்புள்ள ஹெரால்டு வெளியீட்டாளரான ஏஜேஎல் நிறுவனத்தின் பங்குகளை மாற்றியதில் முறைகேடு நடந்ததாகக் குற்றஞ்சாட்டப்பட்டுள்ளது. டெல்லி உயர்நீதிமன்றத்தில்

இந்த மனு நீதிபதி சுரேஷ் கைத் முன்பு  விசாரணைக்கு வந்த போது, இது தொடர்பான வழக்கின் விசாரணையை நிறுத்தி வைக்குமாறு விசாரணை நீதிமன்றத்துக்கு உத்தரவிட்ட நீதிபதி, டாக்டர் சுப்பிரமணியன் சுவாமி மனு மீது வரும் ஏப்ரல் மாதம் 12 ஆம் தேதிக்குள் பதிலளிக்குமாறு சோனியா காந்தி, ராகுல் காந்தி உள்ளிட்டோருக்கு உத்தரவிட்டார்

நேஷனல் ஹெரால்டு பத்திரிகையின் வெளியீட்டாளாரான ஏஜெஎல் (The Associated Journals) என்ற நிறுவனத்தை நேரு 1937இல் தொடங்கினார். இதில் 5 ஆயிரத்துக்கும் மேற்பட்ட சுதந்திர போராட்ட வீரர்கள் பங்குதாரர்களாகச் சேர்ந்தனர். இந்நிறுவனத்துக்கு காங்கிரஸ் கட்சி சார்பில் 90 கோடி ரூபாய் கடனளிக்கப்பட்டுள்ளதுஇந்தக் கடனைத் திருப்பிச் செலுத்தாத காரணத்தால் நிறுவனத்தின் பங்குகள் சோனியா காந்திக்குச் சொந்தமான யங் இந்தியா நிறுவனத்திற்கு 50 லட்சத்துக்கு கைமாற்றப்பட்டன. யங் இந்தியாவில் 76 சதவீத பங்குகள் சோனியா, ராகுல் ஆகியோரிடமும் 24 சதவீத பங்குகள் மோதிலால் வோரா, ஆஸ்கர் பெர்னாண்டஸ் ஆகியோரிடம் இருக்கிறது. இங்கு குறிப்பிடத்தக்கது.