இந்திய தர நிர்ணய அமைவனத்தின் (BIS) - தமிழ்நாடு நகராட்சி நிர்வாகம் மற்றும் நீர் வழங்கல் துறை அதிகாரிகளுக்கான உணர்திறன் பயிற்சி சென்னையில் நடைபெற்றது
இந்திய தர நிர்ணய அமைவனம் (பி .ஐ .எஸ் ) என்பது இந்திய அரசின் நுகர்வோர் விவகாரங்கள், உணவு மற்றும் பொது விநியோக அமைச்சகத்தின் கீழ் செயல்படும் ஒரு சட்டரீதியான அமைப்பாகும். இது பொருள்களுக்கான தர உரிமம் (ஐஎஸ்ஐ மார்க்), மேலாண்மை திட்ட சான்றிதழ், தங்கம் மற்றும் வெள்ளி நகைகள்/கலைப் பொருள்களுக்கான ஹால்மார்க் உரிமம் மற்றும் ஆய்வகச் சேவைகளின் நலன் மற்றும் நுகர்வோர் பாதுகாப்பை நோக்கமாகக் கொண்ட பல்வேறு திட்டங்களை செயல்படுத்துகிறது.இந்திய தர நிர்ணய அமைவனம் (பிஐஎஸ்), சென்னை, மாநில அரசுத் துறைகள் தங்கள் அனைத்து டெண்டர்களிலும், குறிப்பாக மொத்த கொள்முதலுக்கு ஐஎஸ்ஐ முத்திரையிடப்பட்ட தயாரிப்புகளை மட்டுமே கொள்முதல் செய்ய வேண்டும் என்று வலியுறுத்தியது.
தர நிர்ணயம் மற்றும் தரக் கட்டுப்பாட்டை மேம்படுத்துவதற்கான மாநில அளவிலான சந்தித்தலின் போது BIS அதிகாரிகளின் குழு சமீபத்தில் இதன் முக்கியத்துவத்தை பற்றி விவாதித்தது. மாநில அரசு துறைகள் தயாரிப்புகளை வாங்குவதற்கு அல்லது உள்கட்டமைப்பை மேம்படுத்துவதற்கு டெண்டர்களை அழைக்கின்றன. உள்கட்டமைப்புத் திட்டங்களுக்கான டெண்டர் ஆவணங்களில் ஐஎஸ்ஐ மார்க் தயாரிப்புகளைக் குறிப்பிடவும், மொத்தக் கொள்முதல் அனைத்திற்கும் ஐஎஸ்ஐ மார்க் தயாரிப்புகளைத் தேடவும் பிஐஎஸ் வலியுறுத்தும். இதன் மூலம் தரமான பொருட்களை வாங்க முடியும்.
பிஐஎஸ்- சென்னை, தமிழக அரசு அதிகாரிகளுக்கு அவர்களின் துறைகள் தொடர்பான தரநிலைகளை உணர்த்தும் வகையில் பயிற்சி நிகழ்ச்சிகளை ஏற்பாடு செய்யத் தொடங்கியுள்ளது. இந்த வரிசையில், தமிழ்நாடு நகராட்சி நிர்வாகம் மற்றும் நீர் வழங்கல் துறை அதிகாரிகளுக்கான விழிப்புணர்வு மற்றும் பயிற்சியய் இந்திய தர நிர்ணய அமைவனம் -சென்னை 12-13 ஜூலை 2022 தேதிகளில் அண்ணா நிர்வாகப் பணியாளர் கல்லூரியில் (முன்னர் அண்ணா மேலாண்மை நிறுவனம் என்று அழைக்கப்பட்டது) நடத்தியது.
ஸ்ரீ யுஎஸ்பி யாதவ், விஞ்ஞானி - F & துணை இயக்குநர் ஜெனரல் (தெற்கு) BIS, நிகழ்ச்சியைத் துவக்கி வைத்தார். தயாரிப்புகள் மற்றும் சேவைகளின் தரத்தை உறுதி செய்வதற்காக, தங்கள் துறைகளில் உள்ள தரநிலைகள் குறித்து அரசு அதிகாரிகளுக்கு விழிப்புணர்வை ஏற்படுத்துவதே இத்தகைய பயிற்சியின் நோக்கமாகும் என்று அவரது உரையின் போது தெரிவித்தார். திறன் மேம்பாட்டுத் திட்டங்கள் அவர்களின் செயல்முறைகளை நெறிப்படுத்தவும் அரசாங்கக் கொள்கைகளை சிறப்பாகச் செயல்படுத்தவும் உதவும் என்றும் அவர் தெரிவித்தார். தரமான பொருள் மற்றும் தரநிர்ணயம் பற்றிய பல நிஜ வாழ்க்கை மற்றும் நிறுவன உதாரணங்களையும் அவர் மேற்கோள் காட்டினார்
ஸ்ரீ யுஎஸ்பி யாதவ், மேலும், இது போன்ற திட்டங்கள் தரநிலைகள் உருவாக்கம், தர மேம்பாடு மற்றும் இணக்க மதிப்பீடு ஆகியவற்றில் மாநில அரசு அதிகாரிகளின் திறனை மேம்படுத்துவதை நோக்கமாகக் கொண்டுள்ளன என்றும் மேலாண்மை திட்ட உரிமங்களை பெறுவது பற்றியும் கூறினார்.
முன்னதாக விருந்தினர்களை வரவேற்று பேசிய Smt.G பவானி, விஞ்ஞானி-E & தலைவர் (சென்னை கிளை அலுவலகம்-I & II) தரநியமம் மற்றும் உரிமம் வழங்குதல் பற்றி விளக்கினார்.BIS, சென்னையின் முக்கிய விஞ்ஞானிகள் ஸ்ரீ கே விஜயவீரன், விஞ்ஞானி-டி, ஸ்ரீ கண்ணன் கோவிந்தராஜ், விஞ்ஞானி-டி & ஸ்ரீமதி.அனுரிதா நிதி ஹெம்ரோம், விஞ்ஞானி-பி 12-13 ஜூலை 2022 இல் பங்கேற்பாளர்களுக்கான பயிற்சித் திட்டங்களை நடத்தினார்கள்
கருத்துகள்