டோக்கியோவில் இந்தியா-ஜப்பான் 2+2 அமைச்சர்கள் பேச்சுவார்த்தைக்கு பின்னர் பாதுகாப்புத்துறை அமைச்சர் திரு ராஜ்நாத் சிங் வெளியிட்ட அறிக்கை
அமைச்சர் ஹயாஷி அவர்களே, அமைச்சர் ஹமாடா அவர்களே, டாக்டர் ஜெயசங்கர் அவர்களே, ஊடகவியலாளர்களே, பெரியோர்களே, தாய்மார்களே,
முதற்கண் அன்பான விருந்தோம்பல் மற்றும் சிறப்பாக கலந்துரையாடலுக்கு ஏற்பாடு செய்திருந்த ஜப்பான் அமைச்சர்கள், அவர்களது குழுவினருக்கு எனது நன்றி கலந்த வணக்கத்தை தெரிவித்துக் கொள்கிறேன்.
இன்று எங்களது விவாதத்தின் போது, பரஸ்பர நலன் சார்ந்த இருதரப்பு மற்றும் பிராந்திய விஷயங்கள் குறித்து விரிவாக அலசப்பட்டது. ஆசியாவின் இரண்டு எழுச்சிமிகு ஜனநாயக நாடுகள் என்ற வகையில், சிறப்பு பாதுகாப்பு மற்றும் உலக ஒத்துழைப்பை நாங்கள் மேற்கொண்டு வருகிறோம். இந்தியாவுக்கும், ஜப்பானுக்கும் இடையே தூதரக உறவுகள் உருவாக்கப்பட்டு 70 ஆண்டுகள் நிறைவடைந்த நிலையில், இந்தாண்டு இரு நாடுகளுக்கும் முக்கியத்துவம் வாய்ந்த ஆண்டாக உள்ளது. இந்தோ- பசிபிக் பிராந்தியத்தில் அமைதி மற்றும் முன்னேற்றத்திற்கான முக்கியத்துவம் வாய்ந்ததாக இந்த உறவுகள் உள்ளன.
இன்றைய விவாதத்தின் போது, ராணுவ ஒத்துழைப்பு மற்றும் பகிர்வுகளின் முன்னேற்றம் குறித்து விவாதிக்கப்பட்டது. இருதரப்பு உறவுகளில் உள்ள சிக்கல்களை அகற்றி மேலும் வாய்ப்புகளை உருவாக்க ஒப்புக்கொள்ளப்பட்டது. முப்படைகள் மற்றும் கடலோரக் காவல்படையிடையே, உயர்மட்ட பேச்சுவார்த்தையை நாங்கள் உருவாக்கியுள்ளோம். ஊழியர்கள் மட்டத்திலான பேச்சுவார்த்தைக்கும் உடன்பாடு ஏற்பட்டுள்ளது மகிழ்ச்சியளிக்கிறது. போர் விமானப் பயிற்சியை விரைவில் தொடங்குவதற்கு இரு விமானப்படைகளும், நெருங்கிய தொடர்பு கொண்டுள்ளது மகிழ்ச்சியளிக்கிறது. பன்னோக்கு பயிற்சியும் முதன் முறையாக ஜப்பான் கலந்துகொண்டது.
இந்தியாவுக்கும்-ஜப்பானுக்குமிடையே பாதுகாப்பு தளவாடம் மற்றும் தொழில்நுட்ப ஒத்துழைப்பு, முக்கிய முன்னுரிமை அம்சமாகும். இந்திய பாதுகாப்பு வழித்தடங்களில் முதலீடு செய்யும் வாய்ப்புகளை பயன்படுத்திக்கொள்ளுமாறு நாம் ஜப்பான் பாதுகாப்பு தொழில் நிறுவனங்களுக்கு அழைப்பு விடுத்துள்ளேன்.
இந்தியா- ஜப்பான் ஒத்துழைப்பை மேலும் அதிகரிக்க இரு நாடுகளும் அர்ப்பணிப்பு உணர்வை வெளிப்படுத்தியுள்ளன. ஜப்பானின் அமைச்சர்களுடன் நடைபெற்ற விவாதங்கள், ஆக்கப்பூர்வமாக அமைந்திருந்தன.பாதுகாப்பு ஒத்துழைப்பு, பிராந்திய பாதுகாப்பு நிலை குறித்து ஜப்பான் பாதுகாப்புத்துறை அமைச்சருடன் இருதரப்பு பேச்சுவார்த்தைகளின்போது பாதுகாப்புத்துறை அமைச்சர் திரு ராஜ்நாத் சிங் ஆய்வு
பாதுகாப்புத்துறை அமைச்சர் திரு ராஜ்நாத் சிங், ஜப்பான் பாதுகாப்புத்துறை அமைச்சர் திரு யாசுகசு ஹமடாவுடன் இன்று இருதரப்பு உறவுகள் குறித்து பேச்சுவார்த்தை நடத்தினார். இருதரப்பு பாதுகாப்பு ஒத்துழைப்பு மற்றும் பிராந்திய விவகாரங்கள் குறித்த பல்வேறு அம்சங்களை இரு அமைச்சர்களும் ஆய்வு செய்தனர். தடையற்ற, வெளிப்படையான, விதிமுறைகள் அடிப்படையிலான இந்தோ-பிசிபிக் பிராந்தியத்தின் முக்கிய பங்கு குறித்தும், இந்திய- ஜப்பான் பாதுகாப்பு ஒத்துழைப்பின் முக்கியத்துவம் குறித்தும், அவர்கள் ஆய்வு நடத்தியதுடன், இதன் அவசியம் பற்றி வலியுறுத்தினர்.
பேச்சுவார்த்தையின் போது திரு ராஜ்நாத் சிங், இந்தோ- ஜப்பான் இருதரப்பு பாதுகாப்பு பயிற்சிகளில் அதிகரித்து வரும் சிக்கல்களை, சுட்டிக்காட்டினார். இருநாடுகளுக்குமிடையே பாதுகாப்பு ஒத்துழைப்பை வலுப்படுத்த இந்த பயிற்சி அவசியம் என்று அவர் குறிப்பிட்டார்.
பாதுகாப்பு தளவாடம், தொழில்நுட்ப ஒத்துழைப்பு, துறைகளின் கூட்டாண்மைக்கான வாய்ப்புகளை விரிவாக்க வேண்டியதன் அவசியத்தை பாதுகாப்புத்துறை அமைச்சர் வலியுறுத்தினார். மத்திய அரசால் பாதுகாப்பு தொழிலின் வளர்ச்சியில் உருவாக்கப்பட்டுள்ள இணக்கமான சூழலை சுட்டிக்காட்டிய அவர், இந்தியாவின் பாதுகாப்பு வழித்தடங்களில் ஜப்பான் தொழில் நிறுவனங்கள் முதலீடு செய்யுமாறு அழைப்பு விடுத்தார்.
இந்தியா-ஜப்பானுக்கிடையேயான தூதரக உறவுகள் தொடங்கப்பட்டு, 70 ஆண்டுகள் நிறைவடைந்துள்ள நிலையில், பாதுகாப்புத்துறை அமைச்சரின் ஜப்பான் பயணம், முக்கியத்துவம் பெற்றுள்ளது.
நேற்றிரவு ஜப்பான் தலைநகர் டோக்கியோ சென்றடைந்த திரு ராஜ்நாத் சிங்குக்கு, பாரம்பரிய வரவேற்பு அளிக்கப்பட்டது.
பாதுகாப்புத்துறை அமைச்சர் திரு ராஜ்நாத் சிங், வெளியுறவுத்துறை அமைச்சர் டாக்டர் ஜெயசங்கருடன் இரண்டாவது இந்தியா-ஜப்பான் டூ பிளஸ் டூ அமைச்சர்கள் பேச்சுவார்த்தையில் இன்று பங்கேற்கிறார். ஜப்பான் தரப்பில், பாதுகாப்புத்துறை அமைச்சர் திரு யாசுகசு ஹமடா, வெளியுறவுத்துறை அமைச்சர் திரு யோஷிமசா ஹயாஷி ஆகியோர் கலந்துகொள்கிறார்கள். டூ பிளஸ் டூ பேச்சுவார்த்தை இருதரப்பு ஒத்துழைப்பை முன்னெடுத்து செல்வது குறித்து ஆய்வு செய்யும்
கருத்துகள்