ஏழாவது திருமணம் செய்ய முயன்ற பெண்; ஆறாவது கணவரின் புகாரால் விசாரணை
சந்தியாவுக்கு இதுவரை ஆறு திருமணங்கள் நடந்துள்ளதாகவும், ஆறாவது திருமணம் முடிந்து பதினைந்து நாட்களுக்குள் ஏழாவது திருமணம் செய்ய முயன்ற போது பிடிபட்ட சம்பவம், சந்தியா உள்ளிட்டோரை காவல்துறை கைது செய்து விசாரணை மேற்கொண்டுள்ளனர்.
விசாரணையில், பல தகவல்கள் வெளியாயின, புரோக்கர்கள் மூலம் திருமணம் செய்து கொள்ளும் சந்தியா, ஒரு சில தினங்கள் மட்டுமே அவர்களுடன் வாழ்க்கை நடத்தி கடைசியில் பணம், நகை உள்ளிட்ட பொருட்களுடன் தப்பிக்கும் மோசடி செய்ததாகக் கூறப்படுகிறது. நாமக்கல் மாவட்டம், பரமத்திவேலூரை அருகில் கள்ளிப்பாளையத்தைச் சேர்ந்தவர் தனபால் (வயது 35). இவருக்கு மனைவி சந்தியா (வயது 26). சொந்த ஊர் மதுரை. இவர்களுக்கு செப்டம்பர் மாதம். 7 ஆம் தேதி கொளக்காட்டுப்புதூர் அருகில் புதுவெங்கரை அம்மன் கோயிலில் திருமணம் நடந்தது.
தனபாலுக்கு திருமணத்திற்குப் பெண் நீண்ட காலம் கிடைக்கவில்லை என்ற நிலையில் தான் பெரிய அளவில் சொந்த பந்தங்கள் இல்லாத ஏழைப்பெண் என்றதாலும், அழகாக இருந்ததாலும் சந்தியாவை திருமணம் செய்யச் செலவுகளையும் அவரே ஏற்றுக்கொண்டார். ஆகஸ்ட் மாதம் ஏழாம் தேதி திருமணமான தாகவும் இதை புரோக்கர் ஏற்பாடு செய்திருந்ததாகவும் திருமணத்திற்கு பெண் வீட்டார் சார்பில் இருவர் மட்டுமே கலந்து கொண்டிருந்ததாகவும்.
திருமணத்தின் போது பெண் வீட்டார் தரப்பில் அவரது அக்காள், மாமா என இரண்டு பேர் கலந்து கொண்ட போது. அவர்களுடன் தனபாலுக்கு பெண் பார்த்துக் கொடுத்த, மதுரையைச் சேர்ந்த கல்யாண தரகர் பாலமுருகன் (வயது 45) என்பவரும் கலந்து கொண்டார்.
திருமணம் முடிந்த கையோடு பெண் தரகர் பாலமுருகன், திருமண செய்து வைத்த கமிஷனாக 1.50 லட்சம் ரூபாய் பெற்றுக்கொண்டதாகவும். அதன் பின்னர் பதினைந்து நாட்களில் பெண் ஓடி விட்டதால்
மேலும் தற்போது பெண் பார்த்துக் கொடுத்த தரகர் பாலமுருகன், திருமணத்தின்போது வந்திருந்த உறவினர்களின் அலைபேசிக்கு தொடர்பு கொண்டபோதும் அவையும் அணைத்து வைக்கப்பட்டு இருந்தது தெரிய வந்தது.
எல்லோருடைய அலைபேசிகளும் ஒரே நேரத்தில் சொல்லி வைத்தாற்போல் அணைத்து வைக்கப்பட்டு இருந்ததால், தனபால் சந்தேகம் அடைந்தார். தன் வீட்டு பீரோவை திறந்து பார்த்தபோது அதில் வைக்கப்பட்டு இருந்த விலை உயர்ந்த பட்டுப்புடவை, மணப்பெண் கொண்டு வந்திருந்த துணிகள் அணைத்தும் காணாமல் போயிருந்தது தெரிய வந்தது.
தான் ஏமாற்றப்பட்டதை உணர்ந்தவர், இதுகுறித்து பரமத்தி வேலூர் காவல்நிலையத்தில் புகார் அளித்தார். இது ஒருபுறமிருக்க, அதே ஊரைச் சேர்ந்த ஒரு இளைஞருக்கு திருமணம் செய்வதற்காக மணமகள் தேடி வந்தனர். வேறு ஒரு தரகர் மூலம் அவருக்கும் சந்தியாவின் புகைப்படம் கிடைத்துள்ளது.
அதையறிந்த தனபால், உள்ளூர் இளைஞரிடம் சந்தியாவின் புகைப்படத்தைக் கொடுத்த தரகர் குறித்து விசாரித்தபோது அவருடைய பெயர் தனலட்சுமி (வயது 45) என்பது தெரிய வந்தது. சந்தியாவை பிடிக்க திட்டமிட்ட தனபால், உடனடியாக தனலட்சுமியை தொடர்பு கொண்டு, தான் அந்தப் பெண்ணை மணந்து கொள்ள விரும்புவதாகக் கூறி, உள்ளூர் இளைஞரின் புகைப்படத்தையும் மாற்றம் செய்து அனுப்பி வைத்துள்ளார்.
சந்தியா தரப்பிலும் அந்த இளைஞரை பிடித்துள்ளதாக சிக்னல் கிடைக்கவே, அலைபேசி மூலமாகவே திருமணத்தையும் முடிவு செய்துள்ளனர். இதையடுத்து திருச்செங்கோட்டில் வைத்து செப்டம்பர் மாதம். 23- ஆம் தேதி திருமணம் செய்து கொள்ள முடிவானது. இதற்காக மணப்பெண் சந்தியா, தரகர் தனலட்சுமி, உறவினர் ஐயப்பன் (வயது 37) ஆகியோர் ஒரு காரில் திருச்செங்கோடு வந்து சேர்ந்தனர்.
அங்கு ஏற்கனவே அவர்களுக்காக வலை விரித்து காத்திருந்த தனபாலும், உறவினர்களும், சந்தியா மற்றும் அவருடன் வந்த தனலட்சுமி, ஐயப்பன், கார் ஓட்டி வந்த ஜெயவேல் (வயது 38) ஆகிய நான்கு பேரையும் மடக்கிப் பிடித்தனர். தாங்கள் இப்படி வசமாக சிக்கிக் கொள்வோம் என்று அறியாதவர்கள் அதிர்ச்சி அடைந்தனர்.
சந்தியா உள்ளிட்ட நால்வரையும் பரமத்தி வேலூர் காவல்நிலையத்தில் ஒப்படைத்தனர். காவல்துறை விசாரணையில் திடுக்கிடும் தகவல்கள் வெளியாகின. மதுரையைச் சேர்ந்த இவர்கள், இதுவரை சந்தியாவுக்கு ஆறு பேருடன் திருமணம் செய்து வைத்துள்ளனர். தற்போது ஏழாவதாக ஒருவருக்கு திருமணம் செய்து வைக்க முயன்றபோதுதான் சிக்கிக் கொண்டுள்ளனர். அதாவது, தனபாலுக்கு திருமணத்தை முடித்த பதினைந்தே நாளில் அதே ஊரில் இன்னொரு திருமண வலை விரித்துள்ளனர்.
இந்த கும்பல் சந்தியாவை, ஒருவருடன் திருமணம் செய்து வைக்கின்றனர். ஒரே வாரத்திற்குள் மணமகன் மற்றும் அவருடைய வீட்டாருடன் நெருங்கிப் பழகி, அவர்கள் அசந்த நேரத்தில் வீட்டில் இருக்கும் நகைகள், பணம் ஆகியவற்றை எடுத்துக்கொண்டு சந்தியா ஓட்டம் பிடித்து விடுவதை வழக்கமாகக் கொண்டிருப்பதும் தெரிய வந்தது.
பணம், நகைகள் எதுவும் கிடைக்காதபோது கல்யாணத் தரகு கமிஷனுடன் தலைமறைவாகி விடுகின்றனர். இந்தக் கும்பல் இதுவரை ஏழு பேரை மட்டும்தான் ஏமாற்றி இருக்கிறார்களா? உண்மையில் இந்த கும்பலிடம் சிக்கி சீரழிந்தவர்கள் எத்தனை பேர்? எந்தெந்த ஊரில் கைவரிசை காட்டியுள்ளனர்? என்பது குறித்து பல்வேறு கோணங்களில் தீவிரமாக காவல்துறை விசாரணை நடந்து வருகிறது. சினிமாவை விஞ்சும் இந்த சம்பவம் பரமத்தி வேலூரில் பரபரப்பை உருவாக்கி உள்ளது.
பல திருமண சந்தியா காவல்துறையினரிடம் அளித்த வாக்குமூலம் இதுவாம்: மதுரையைச் சேர்ந்தவர் திருமண புரோக்கர் பாலமுருகன்.. அவரது கூட்டாளிகள் ரோஷினி, மாரிமுத்து.. இவர்கள் 3 பேருமே என்னை நிர்வாண போட்டோ, மற்றும் ஆபாச வீடியோக்களை எடுத்து வைத்துள்ளனர்.. மோசடித் திருமணத்துக்கு நான் சம்மதிக்காவிட்டால், என்னுடைய நிர்வாணப் படத்தை வெளியிடுவேன் என்றும் குழந்தைகளைக் கொன்று விடுவேன் என்றும் மிரட்டினார்கள்.. அதனால்தான் நான் இந்தத் திருமணங்களுக்கு சம்மதித்தேன்.என்னை போல, வேறு நான்கு பெண்களும் இவர்களிடம் சிக்கி உள்ளனர்.. இதில் எவ்வளவு பணம் கிடைத்தாலும், அந்தப் பணம் முழுதையும், அவர்களே எடுத்துக்கொள்வார்கள்..எங்களுக்கு கொஞ்சப் பணம் மட்டுமே தருவார்கள்.. மதுரை சுற்றுவட்டார பகுதிகளில் எதாவது ஒரு வீட்டை வாடகைக்கு எடுத்துத் தருவார்கள்.. எனக்கு அப்பா, அம்மா யாரும் இல்லை. நான் அனாதை அதனால், என்னுடைய அக்கா - மாமாவாக ரோஷினி, மாரிமுத்து இருவரும் நடிப்பார்கள்.. ஒரு கல்யாணம் பேசி முடிப்பதற்கு முன்பேயே, அக்கா - மாமாவாக நடிக்க, என்னுடைய வீட்டிற்கு வந்துவிடுவார்கள். பெண் பார்க்க, திருமண ஆசையில் வரும் இளைஞர்களிடம் நான் நெருங்கிப் பழக வேண்டும்.. பாசமாக அவர்களிடம் பேச வேண்டும் என்பது அவர்கள் கண்டிஷன்.. அப்படிப் பேசும்போது, செல்போன், பட்டுப்புடவை, பணம், நகை என ஆசையாக நெருங்கி கேட்டு, சாமர்த்தியமாக அவர்களிடம் வாங்கிக் கொள்ள வேண்டும்.. திருமணம் முடிந்ததுமே, இந்த வீட்டைக் காலி செய்து விட வேண்டும்.. எனக்கு எந்தக் கல்யாணம் நடந்தாலும், மாப்பிள்ளை வீட்டில் போட்டோ எடுக்கும் போது கூட, இந்த புரோக்கர்கள் சற்று விலகியே எச்சரிக்கையாக நிற்பார்கள்..என சந்தியா, காவல் துறையினரிடம் இப்போது இப்படி பரபரப்பு வாக்குமூலம் ஒன்றைத் தந்துள்ளார். அதில் பல்வேறு அதிர்ச்சி தகவல்கள் வெளியாகி உள்ளன. இன்னும் சிக்கியுள்ள நால்வர் யார் என்று விபரம் தெரியாத நிலையில்
இதுவரை ஏமாந்த மாப்பிள்ளை வீட்டார், மானம் அவமானங்களுக்குப் பயந்து, பெரும்பாலும் எங்கும் புகார் கொடுக்கவில்லை.. எல்லாரும் பெரிய இடத்துப் பிள்ளைகள் என்பதால், காவல் நிலையம் வரை விவகாரம் செல்லவில்லை.. இதைதான் புரோக்கர்கள் தங்களுக்கு சாதகமாக பயன்படுத்தி கொண்டனர்.. நாமக்கல், கரூர், திருப்பூர், காங்கேயம் பகுதிகளில் திருமண மோசடிகளை செய்துள்ளோம்.. ஆனால், என்னை கட்டாயப்படுத்தி ஆபாச வீடியோ எடுத்து மிரட்டிய புரோக்கர் பாலமுருகன் மீது நான் ஏற்கனவே மதுரை காவல்துறையில் புகார் தந்தேன்.. ஆனாலும் காவல்துறை அவர் மீது எந்த நடவடிக்கையும் இதுவரை எடுக்கவில்லை. திருமணம் என்ற போர்வையில் எனக்கு அவர் பல திருமணங்களை செய்து வைத்து வசமாக சிக்க வைத்து விட்டார்' என்று கண்ணீருடன் கூறியுள்ளார் சந்தியா. இன்னும் விசாரணை முடிவில் பல தகவல்கள் வரலாம் என்ற நிலையில் தொடர்ந்து நடந்து வருகிறது.
கருத்துகள்