'கொல்லேற்றுக் கோடஞ்சுவானை மறுமையும்
புல்லாளே ஆய மகள்' எனும் மரபுப் பாடலுக்கு
புலவர் நச்சினார்க்கினியர் உரையில்: "கூடிக் கொல்லுகின்ற ஏற்றினுடைய (காளையினுடைய) கோட்டிற்கு (கொம்புக்கு) அஞ்சும் பொதுவனை மறு பிறப்பினும் ஆயர் மகள் தழுவாள்." என்பதாகும்.
தமிழர்களின் பண்பாடு மற்றும் கலாச்சாரத்தில் கடைசி அடையாளமாக தற்போது அடையாளம் காணப்படும் ஜல்லிக்கட்டு, அல்லது ஏறுதழுவல், மற்றும் மஞ்சுவிரட்டு மட்டுமே மிஞ்சியும் ஏஞ்சியுமுள்ளது. வீரவிளையாட்டான ஜல்லிக்கட்டு காணும் பொங்கல் மற்றும் திருவள்ளுவர் தினத்தில் மதுரை மாவட்டம் "அலங்காநல்லூரிலும், சிவகங்கை மாவட்டம் சிறாவயலிலும் நடைபெ,றும் ஜல்லிக்கட்டே.
"அலங்காநல்லூர் மதுரை மாவட்டத்தின் வடக்கு பகுதியில் அமைந்துள்ள குறிஞ்சி, முல்லை, மருத நிலங்கள் ஒரு சேர சங்கமிக்கும் இடம் "இடுக்கியில் இருந்து உற்பத்தியகும் முல்லைஆறும் பேரியாறும் இணைந்து முல்லைபேரியாறானது அலங்கை நாட்டிலே உற்பத்தி ஆகும் சாத்தியாரும் அலங்காநல்லூர் பகுதியில் வளப்படுத்தி அப் பகுதியை பச்சைப் பசுமையாகவா வைத்துள்ளது,
இவ்வாறான பல பெருமைகளை கொண்ட "அலங்கை நாட்டின் தலைநகரான அலங்காநல்லூர் வரலாற்டில் மேலூர் அருகில் "பால்குடி" யைச் சேர்ந்த வலையர் சமூகத்தவர்கள் புலம் பெயர்ந்து இன்றைய அலங்காநல்லூர் அன்றைய "வலசை"(வலையர் சமுதாயத்தினர் மட்டும் வாழும் பகுதி) என்னும் ஊரின் வடமேற்கு எல்லைப் பகுதியில் உள்ள ஓர் தெப்பக்குளத்தைச் சுற்றிக் குடியேறி அந்த பகுதியில் குடியிருப்புகளை அமைத்து கால் நடைகளை வளர்த்தும் அப்பகுதிகளில் வேட்டையாடியும் பிற்காலங்களில் விவசாயமும் செய்த அந்தக் குழுவினரே" தற்போது "கெங்கை வலையர் பங்காளிகள்" என்று அழைக்கப்படுகின்றனர்.
அந்த கெங்கை வலையர்களுக்கு இடம் கொடுத்து அவர்கள் வம்சம் தலைக்க பெண்ணும் கொடுத்தவர்கள் சம்பந்த வழி "வலசை வலையர்கள் ஆதலால் தான் வலசை கிராமத்தை அலங்காநல்லூரின் "தாய் கிராமம்" என்கின்றனர்.
முன்பு வரை "அலங்காநல்லூரி"ன் பெயரானது "அலங்கெங்கைநல்லூர்" என்றிருந்தது. அதாவது "கெங்கை வலையர்களால்" உருவாக்கப்பட்ட ஊர் "அலங்கெங்கைநல்லூர்" பிற்காலத்தில் இது மருவி "அலங்காநல்லூர்" என்றானது.
முதலில் வலையர் சமுதாயம் மட்டுமே வாழ்ந்த இவ்வூரில் பிறகு மதுரை விஜயநகர ஆட்சியில் குடிவந்த "நாயக்கர்" மற்றும் பலகுடி மக்கள் எனக் குடிவந்தனர். இவ்வாறே சிறு கிராமமாக இருந்து இன்று பேரூராக காட்சியாகின்றது...
"அலங்காநல்லூர் திருமலை நாயக்கர்" ஆட்சிக் காலத்தில் ஜல்லிக்கட்டானது இவ்வூரில் நடைபெற்றது என்று ஊர் பெரியவர்கள் கூறுகின்றனர். அலங்காநல்லூரை உருவாக்கிய "கெங்கை வலையர் பங்காளிகளில்" மூத்த வாரிசு மற்றும் "கெங்கை வலையர் உறவின்முறை" தலைமையாக யார் செயல்படுகின்றார்களோ அவருக்கு அலங்காநல்லூர் ஜல்லிக்கட்டின் முதல் மரியாதை பரிவட்டம் கட்டப்படும்.
வேறு யாருக்கும் மரியாதை கிடையாது. பிறகு ஜல்லிக்கட்டு ஆரம்பித்த பிறகு 'முதல் மாடு' "அலங்காநல்லூர் கிராம மாடு"
இரண்டாவது மாடு ஊரை உருவாக்கியவர்களான "கெங்கை வலையர்களின்" மாடும்,
மூன்றாவதாக தாய் கிராமம் "வலசை" கிராம மாடு விடப்படும்.
இந்த மூன்று மாடுகளுக்கு மட்டுமே மரியாதை.
இம்மூன்று மாடும் விடப்பட்டவுடன் ஜல்லிக்கட்டு தொடங்கி சிறப்பாக ஆண்டுதோறும் காணும் பொங்கல் அன்று நடக்கும் ஜல்லிக்கட்டு போட்டியை, இந்த ஆண்டு தமிழ்நாடு இளைஞர் நலன் மற்றும் விளையாட்டுத் துறை அமைச்சர் உதயநிதி ஸ்டாலின் நேற்று தொடக்கி வைத்தார் காலை 7. 30 மணிக்குத் தொடங்கியதில் நிதித்துறை அமைச்சர் பி.டி. ஆர்.பழனிவேல் தியாகராஜன் மற்றும் அமைச்சர்கள் அன்பில் மகேஷ் பொய்யாமொழி, மூர்த்தி திரைப்பட நடிகர் சூரி எனப் பலரும் கூடிக் கண்டுகளித்தனர்.
இந்தப் போட்டியைக் காண ஆயிரக்கணக்கான பொதுமக்கள் அலங்காநல்லூருக்கு வந்தனர். நேற்றைய போட்டியில் கலந்து கொள்ள 1200 காளைகளுக்கும் காளைகளைப் பிடிக்க 300 வீரர்கள் வரை அனுமதிக்கப்பட்டார்கள். நான்காம் சுற்றின் முடிவில், 275 காளைகள் அவிழ்க்கப்பட்டன. இதுவரை 13 காளைகளை பிடித்த அபி சித்தர் முதலிடத்தில் இருந்தார், இரண்டாவது இடத்தில் 9 காளைகளை பிடித்த அஜய்யும், முன்றாவது இடத்தில் 7 காளைகளை பிடித்த கோபாலகிருஷ்ணனும், ரஞ்சித்தும் இருந்தனர். அலங்காநல்லூர் ஜல்லிக்கட்டில் , 15 பேருக்கு காயம் ஏற்பட்டுள்ளது. காயடைந்த நபர்களுக்கு சிகிச்சை அளிக்க ஜல்லிக்கட்டு நடைபெறும் இடத்தில் மருத்துவக் குழுக்கள் தயாராக இருந்தனர். ஜல்லிக்கட்டுக்கான ஏற்பாடுகளை மதுரை மாவட்ட நிர்வாகம் செய்தது. பாதுகாப்புப் பணியில் 2000 காவலர்கள் வரை ஈடுபட்டனர்.
வெற்றி பெறும் காளைகளுக்கும் வீரர்களுக்கும் தங்கம், வெள்ளி நாணயங்கள், சில்வர் பாத்திரங்கள், மிதிவண்டி , கட்டில், அலமாரி , சமையல் அரவை இயந்திரங்கள் உள்ளிட்ட ஏராளமான பரிசுப் பொருட்கள் வழங்கப்பட்டன. அலங்காநல்லூர் ஜல்லிக்கட்டுப் போட்டியில் முதல், மற்றும் இரண்டு, மூன்றாமிடம் பிடித்த வீரர்களில் முதலிடத்தில் அபிசித்தன் - பூவந்தியும், இரண்டாமிடத்தில்
சிராவயல் மஞ்சுவிரட்டையொட்டி நேற்று காலை அக்கிராமத்தில் அருள்மிகு பெரியநாயகி அம்மன், அருள்மிகு தேனாட்சி அம்மன் கோயில்களில் சிறப்பு வழிபாடு நடைபெற்றதைத் தொடர்ந்து கிராம மக்கள் மஞ்சுவிரட்டு தொழுவிற்கு வந்து அங்கிருந்த மாடுகளுக்கு வேஷ்டி, துண்டு அணிவித்து மரியாதை செய்த பின்னர் மாவட்ட ஆட்சித்தலைவர் பி.மதுசூதன்ரெட்டி தலைமையில் மாடுபிடி வீரர்கள் மஞ்சுவிரட்டு உறுதிமொழி எடுத்துக் கொண்டனர். கூட்டுறவுத்துறை அமைச்சர் கே.ஆர்.பெரியகருப்பன் மஞ்சுவிரட்டை கொடியசைத்து தொடங்கி வைத்தார். கோவில் காளை அவிழ்த்துவிட்டதற்குப் பின்னர் காளைகள் ஒவ்வொன்றாக அவிழ்த்துவிடப்பட்டன.
தொழுவிலிருந்து 280 காளைகள் அவிழ்க்கப்பட்டன. 120 மாடு பிடிவீரர்கள் பங்கற்றனர். மாடுகளை பிடித்த வீரர்களுக்கும், பிடிபடாத காளைகளின் உரிமையாளர்களுக்கும் வெள்ளிக்காசு,தகர அலமாரி, கட்டில், அண்டா, குத்துவிளக்கு,சமையல் அரவை இயந்திரம், மின்சார அடுப்பு, பட்டுச்சேலை போன்றவை பரிசுகளாக வழங்கப்பட்டன.
அனுமதிக்கப்படாத காளைகளை
முன்னதாக சிராயவல் பொட்டல், கம்பனூர் பரணிக் கண்மாய், கும்மங்குடி பொட்டல் உள்ளிட்ட இடங்களில் சிவகங்கை, ராமநாதபுரம், புதுக்கோட்டை, திருச்சி, மதுரை, காரைக்குடி, திருப்புத்தூர், அறந்தாங்கி திண்டுக்கல் உள்ளிட்ட பகுதிகளிலிருந்து வந்த ஆயிரத்திற்கும் மேற்பட்ட காளைகள் அவிழ்த்துவிடப்பட்டன.
மாடுகள் முட்டியதில் மதுரை மாவட்டம் சுக்காம்பட்டியைச் சேர்ந்த பூமிநாதன் (வயது 52) உயிரிழந்தார். மேலும் 131 பேர் காயமடைந்தனர். இதில் 31 பேர் உயர் சிகிச்சைக்காக திருப்பத்தூர், சிவகங்கை, மதுரை, காரைக்குடி அரசு பொது மருத்துவமனைகளுக்கு அனுப்பி வைக்கப்பட்டனர்.
மற்றவர்கள் மஞ்சுவிரட்டு பொட்டலில் உள்ள மருத்துவ முகாமிலும் சிகிச்சை அளிக்கப்பட்டது. மேலும் திருப்பத்தூர் சமத்துவபுரம் அருகே பேருந்து மோதியதில் மஞ்சுவிரட்டில் அவிழ்த்துவிடப்பட்ட காளை ஒன்று உயிரிழந்தது. அதேபோல் நாச்சியாபுரம் அருகே கிணற்றில் விழுந்து ஒரு காளையும் உயிரிழந்தது.அதேபோல் புதுக்கோட்டை மாவட்டம் வன்னியன் விடுதியில்
நடைபெற்ற ஜல்லிக்கட்டு போட்டியில் கலந்துகொண்டு சிறிய லாரியில் திரும்பிய போது கோர சம்பவம்
திருவரங்குளம் அருகே அரசு பேருந்தில் அசோக் லேலண்ட் வாகனம் மோதியதில் மணப்பாறையை சேர்ந்த 3 ஜல்லிக்கட்டு காளைகளும் மற்றும் நான்கு நபர்களும் உயிரிழந்தனர் 3 நபர்கள் கவலைக்கிடமாக உள்ளனர்
கருத்துகள்