ஸ்ரீ குரு கோவிந்த் சிங் அவர்களின் ஜெயந்தி மற்றும் எம் ஜி ஆர் பிறந்தநாளில் முன்னிட்டுப் பிரதமர் மரியாதை

ஸ்ரீ குரு கோவிந்த் சிங் அவர்களின் ஜெயந்தியை முன்னிட்டுப் பிரதமர் மரியாதை செலுத்தினார்

ஸ்ரீ குரு கோவிந்த் சிங் அவர்களின் ஜெயந்தியை முன்னிட்டு அவருக்குப் பிரதமர் திரு நரேந்திர மோடி  மரியாதை செலுத்தியதுடன், அவரது துணிச்சலையும் இரக்க குணத்தையும் நினைவுகூர்ந்துள்ளார். ஸ்ரீ குரு கோவிந்த் சிங் பற்றிய தனது கருத்துகள் அடங்கிய காணொளியையும் பிரதமர் பகிர்ந்துள்ளார்.

சமூக ஊடக எக்ஸ் தளத்தில் பிரதமர்  பதிவிட்டுள்ளதாவது:

"ஸ்ரீ குரு கோவிந்த் சிங் அவர்களின் பிறந்தநாள் அன்று நான் அவருக்கு மரியாதை செலுத்துகிறேன்.  அவரது தைரியத்தையும், இரக்க குணத்தையும் நினைவுகூர்கிறேன். அவரது வாழ்க்கை பலருக்கும் வலிமை சேர்க்கிறது."

மேலும் எம்.ஜி. ராமச்சந்திரனின் பிறந்த நாளை முன்னிட்டுப் பிரதமர் அவரை நினைவுகூர்ந்துள்ளார்

பிரபல தமிழ்த் திரைப்பட ஆளுமையும், தமிழ்நாட்டின் முன்னாள் முதலமைச்சருமான எம்.ஜி.ராமச்சந்திரனின் பிறந்தநாளை முன்னிட்டுப் பிரதமர் திரு. நரேந்திர மோடி அவருக்கு மரியாதை  செலுத்தியுள்ளார்.

சமூக ஊடக எக்ஸ் தளத்தில் பிரதமர் பதிவிட்டுள்ளதாவது;

“தலைசிறந்த எம்.ஜி.ஆர் அவர்களின் பிறந்த தினத்தை நினைவு கூர்ந்து அவரது வாழ்க்கையை இன்று கொண்டாடுகிறோம். அவர் தமிழ் சினிமாவின் உண்மையான அடையாளமாகவும், தொலைநோக்கு மிக்க தலைவராகவும் இருந்தார்.  அவரது திரைப் படங்களில் நிறைந்திருந்த சமூக நீதி மற்றும் கருணை ஆகியவை, வெள்ளித்திரைக்கு அப்பாலும் இதயங்களை வென்றன.  தலைவராகவும், முதலமைச்சராகவும் மக்கள் நலனுக்காக அயராது உழைத்தவர், தமிழகத்தின் வளர்ச்சி மற்றும் மேம்பாட்டில் நீடித்த தாக்கத்தை ஏற்படுத்தியவர். அவரது பணி தொடர்ந்து நமக்கு ஊக்கம் அளிக்கும்.