விஜயபாஸ்கர் வழக்கில் அமலாக்கத்துறைக்கு ஆவணங்களை வழங்க ஊழல் தடுப்பு மற்றும் லஞ்ச ஒழிப்புத்துறை மறுப்பு

அதிமுக முன்னாள் அமைச்சர் கே.விஜயபாஸ்கர் மீதான சொத்துக்குவிப்பு வழக்கு புதுக்கோட்டை மாவட்ட முதன்மை நீதிமன்றத்தில் முன்னாள் சுகாதாரத்துறை அமைச்சர் டாக்டர் சி.விஜயபாஸ்கர் மற்றும் அவரது மனைவி திருமதி. ரம்யா சொத்து குவிப்பு வழக்கில் 14 முறையாக ஆஜர், விசாரணை நடைபெற்று வருகிறது. புதுக்கோட்டை நீதிமன்றத்தில் விசாரணைக்கு வந்த நிலையில்

அமலாக்கத்துறைக்கு ஆவணங்களை வழங்க ஊழல் தடுப்பு மற்றும் லஞ்ச ஒழிப்புத்துறை மறுப்பு தெரிவித்துள்ளது.அதிமுக ஆட்சிக் காலத்தில் சுகாதாரத் துறை அமைச்சராகப் பணியாற்றியவர் சி.விஜயபாஸ்கர். தற்போது விராலிமலை சட்டமன்றத் தொகுதியின் உறுப்பினராக உள்ள கே.விஜயபாஸ்கர் அதிமுக ஆட்சிக் காலத்தில் அமைச்சராக இருந்த போது வருமானத்திற்கு அதிகமாக 35.79 கோடி ரூபாய் சொத்துச் சேர்த்தாக புகார் எழுந்ததன்படி ஊழல் தடுப்பு லஞ்ச ஒழிப்புத் துறையினர் 2021ஆம் ஆண்டு அக்டோபர் மாதம் 17ஆம் தேதி கே.விஜயபாஸ்கர் மற்றும் அவரது மனைவி ரம்யா மீது வழக்குப்பதிவு செய்ததைத் தொடர்ந்து அப்போது முன்னாள் அமைச்சர் கே.விஜயபாஸ்கர் தொடர்புடைய 56 இடங்களில் ஊழல் தடுப்பு மற்றும் லஞ்ச ஒழிப்புத் துறையினர் சோதனையும் நடத்தினர்.

அதுதொடர்பான வழக்கு புதுக்கோட்டை மாவட்ட முதன்மை அமர்வு நீதிமன்றத்தில் நடைபெறுகிறது. இந்த வழக்கில் 216 பக்கத்தில் குற்றப்பத்திரிக்கையை ஊழல் தடுப்பு மற்றும் லஞ்ச ஒழிப்புத் துறையினர்  2023ஆம் ஆண்டு மே மாதம் தாக்கல் செய்தனர். 2023 ஆம் ஆண்டு ஆகஸ்ட் மாதம் 5 ஆம் தேதி முதல் இந்த வழக்கின் விசாரணை நடந்து வருகிறது. விசாரணையின்போது சில முறை கே.விஜயபாஸ்கரும் அவரது மனைவி ரம்யாவும் ஆஜராகினர். இந்த நிலையில் இந்த வழக்கு  மீண்டும் 14 வது முறையாக புதுக்கோட்டை மாவட்ட அமர்வு நீதிமன்றத்தில் விசாரணைக்கு வந்துள்ளது. விசாரணையின்போது அதிமுக முன்னாள் அமைச்சர் கே.விஜயபாஸ்கரும், அவரது மனைவி ரம்யாவும் நேரில் ஆஜராகினர். விஜயபாஸ்கர் மீதான சொத்துக்குவிப்பு வழக்கு இன்று விசாரணைக்கு வந்துள்ளதால் புதுக்கோட்டையில் பரபரப்பு நிலவி வருகிறது.

இன்று வழக்கு விசாரணையின்போது, விஜயபாஸ்கருக்கு எதிராக அமலாக்கத்துறையும் வழக்கு பதிவு செய்து சோதனை நடத்தியுள்ள நிலையில், அமலாக்கத்துறை தரப்பில், முன்னாள் அமைச்சர்விஜயபாஸ்கர் வழக்கு தொடர்புடைய ஆவணங்கள் அனைத்தையும் தருமாறு கோரப்பட்டது.விஜயபாஸ்கர் வழக்கில் அமலாக்கத்துறைக்கு அனைத்து ஆவணங்களையும் வழங்க முடியாது என லஞ்ச ஒழிப்புத்துறை வாதம் வைத்தது. தேவையெனில் முக்கிய ஆவண நகல்களை குறிப்பு எடுத்து தர தயாராக உள்ளோம் என லஞ்ச ஒழிப்புத்துறை புதுக்கோட்டை கோர்ட்டில் தெரிவித்துள்ளது.ஆனால், தங்களுக்கு அனைத்து ஆவணங்களும் வேண்டும் என அமலாக்கத்துறை தரப்பில் ஆஜரான வழக்கறிஞர் உறுதியாக கூறினார். அதற்கு லஞ்ச ஒழிப்புத்துறை வழக்கறிஞர், ஏற்கனவே சமர்ப்பிக்கப்பட்டுள்ள குற்றப்பத்திரிக்கையை படித்துப் பார்த்துக்கொள்ள அனுமதி உண்டு, குறிப்புகளை எடுத்துக் கொள்ளலாம் என தெரிவித்தார்தொடர்ந்து இரு தரப்பும் வாதங்களை முன் வைத்த நிலையில், விஜயபாஸ்கர் மீதான சொத்துக்குவிப்பு வழக்கு விசாரணையை ஜூன் 12ஆம் தேதிக்கு தள்ளி வைத்து புதுக்கோட்டை மாவட்ட அமர்வு நீதிமன்றம் உத்தரவிட்டுள்ளது.