ஓடந்துறை ஊராட்சி உலக மாதிரியானது எப்படி

கோயம்புத்தூர் மாவட்டம், மேட்டுப்பாளையம் வட்டம் ஓடந்துறை ஊராட்சி சண்முகம் 

ஜப்பான், பிரான்ஸ், ஜெர்மனி ஆகிய  43 நாடுகளின் பிரதிநிதிகளை தன்னை நோக்கி ஈர்த்திருக்கிறது தமிழ்நாட்டின் ஓடந்துறை கிராமப் பஞ்சாயத்து கோயம்புத்தூர் மாவட்டம், கோத்தகிரி மலையடிவாரத்தில் பவானி ஆற்றை ஒட்டி அமைந்திருக்கிறது. வாழைத் தோட்டங்களும் பாக்குத் தோப்புகளும் நிறைந்த பசுமையான பூமி. பெரும்பாலானோர் நகரத்தின் வாடையே அறியாத மலைவாழ் கிராமத்தின் மக்கள். இந்த ஊராட்சியில் சிற்றூர்களாக கல்லார்புதூர், ஆலமரத்தூர், அகஸ்தியாநகர், ஊமப்பாளையம், விநோபாஜிநகர், T.A.S நகர்,  காந்திநகர், ஆகிய பகுதிகளில் உள்ளிட்ட ஊராட்சி மன்றம் இதில் 850 வீடுகளை இலவசமாக கட்டிக் கொடுத்து இந்தியாவின் சிறந்த பஞ்சாயத்து விருது வாங்கிய ஓடந்துறை சன்முகம் திமுக வேட்பாளரிடம் தோல்வியடைந்தது தனிக் கதை. அதிமுகவைச் சேர்ந்தவரான சண்முகம் 2019 ஆம் ஆண்டு உள்ளாட்சித் தேர்தலில் ஓடந்துறை பஞ்சாயத்து தலைவர் பதவிக்கு சுயேட்சையாகப் போட்டியிட்டார். அவரை எதிர்த்து தங்கவேல், சிரிஸ் கந்தராஜா, ராதாகிருஷ்ணன் உள்ளிட்டோரும் போட்டியிட்டனர். தேர்தல் முடிந்து வாக்குகள் எண்ணிக்கை தொடங்கிய போது சண்முகம் முன்னிலையில் இருந்தார். ஆனால், இறுதியில் 53 வாக்குகள் வித்தியாசத்தில் தங்கவேலிடம் தோல்வியடைந்தார். 

தங்கவேல் 1,409 வாக்குகள் பெற்று வெற்றி பெற்றார். சண்முகம் 1,356 வாக்குகளும், சிரிஸ் கந்தராஜா 159 , ராதாகிருஷ்ணன் 45 வாக்குகளும்  தான் பெற்றனர். இந்த முறை ஓடந்துறை பஞ்சாயத்துத் தலைவராக வெற்றி பெற்ற தங்கவேல், முன்னாள் தலைவர் சண்முகத்தின் பெரியப்பா மகனாவார், சிறந்த ஊராட்சிப் பகுதியாக விளங்கிய ஓடந்துறை கிராமம் மத்திய அரசின் விருதுகள் பலவற்றை பெற்றுள்ளது. உலக நாடுகளின் கவனத்தையும் பெற்றது. ஓடந்துறை பஞ்சாயத்து தலைவராக இருந்து சண்முகம் நிகழ்த்திய மாற்றங்கள் பல செய்திகளில், மேடைகளில் பெரிதாய் பேசப்பட்டாலும்,

சுயேட்சையாகப் போட்டியிட்ட சண்முகம் தோல்வியைச் சந்தித்தார். சண்முகம் மற்றும் தங்கவேல் ஆகிய இருவரின் வேட்புமனுவில் ஊராட்சி தலைவர் பதவி கட்சி சார்பில் இல்லை என்ற நிலையில் சுயேட்சையாக நிற்பதாக குறிப்பிடப்பட்டுள்ளது. ஆனால், செய்திகளில் சண்முகம் அதிமுக சார்பில், தங்கவேல் திமுக சார்பில், நின்றதாகவே வெளியானது. தேர்தலைப் பொறுத்தவரை வெற்றியாளர்களே பேசப்படுவார்கள் என்பதற்கு மாறாக, ஊராட்சித் தேர்தலில் தோல்வியடைந்ததன் மூலம் உலகத் தமிழர்கள் மத்தியில் அப்போதே பேசு பொருளானார் சண்முகம் ஓடந்துறையில்

‘850 வீடுகளை இலவசமாகக் கட்டிக்கொடுத்து இந்தியாவின் சிறந்த பஞ்சாயத்து விருது வாங்கிய ஓடந்துறை சண்முகம், திமுக வேட்பாளரிடம் தோல்வியடைந்ததால் மாற வேண்டியது மக்களா, தலைவர்களா?’ எனப் பலரும் இன்னும் பேசிக் கொண்டேயிருக்கின்றனர்.

மேட்டுப்பாளையம் அருகில் நீலகிரி மலைகளின் அடிவாரத்தில் உள்ளது ஓடந்துறை ஊராட்சி. இது கல்லாறு தோட்டக்கலைப் பண்ணை, பிரபலமான ‘பிளாக் தண்டர்’ போன்றவற்றை உள்ளடக்கிய ஊராட்சி. இதன் தலைவராக சண்முகமும், இவரது மனைவியும் தலா 20 ஆண்டுகள் பதவி வகித்தனர். இப்போது தோல்வி அடைந்த நிலையிலும்  மக்களுக்கு நல்லது செய்வேன் எனக் கூறினார், சண்முகம் ."நான், சாதாரண விவசாயி. 1 ஏக்கர் நிலம் வைத்து விவசாயம் செய்கிறேன். ஓட்டுக்கு, 1,000 ரூபாய் கொடுக்க, என்னிடம் வசதி இல்லை". என்ற சண்முகம், 20 ஆண்டுகள் பதவியில் இருந்ததால், மாற்றம் தேவை என, மக்கள் முடிவெடுத்து தற்போது புதிய தலைவரைத் தேர்ந்தெடுத்துள்ளனர்.

இருந்தாலும் நிச்சயம், மக்களுக்கு நல்லது செய்வேன். என்றார் தங்கவேல் ஓடந்துறை ஊராட்சியின் முன்னாள் தலைவராக.  கடந்த ஐந்தாண்டுகளில் இவர்களது கிராம பஞ்சாயத்து செலுத்தியிருக்கும் மின் கட்டணம் சுமார் 1.20 கோடி ரூபாய் காரணம் பிளாக் டன்டர் உள்ளிட்ட பொழுது போக்கு நிறுவனங்கள் உள்ள புகழிடம் எங்கும் கமுகு எனும் பாக்கு மரத் தோட்டங்கள் இதில் அதிசயமான விஷயம் மலை சார்ந்த பகுதி இந்தப் பஞ்சாயத்தின் சார்பாக ஆண்டுக்கு 6.75 லட்சம் யூனிட் வீதம் கடந்த 10 ஆண்டுகளில் சுமார் 67.50 லட்சம் யூனிட் மின்சாரத்தை உற்பத்தி செய்திருக்கிறார்கள்.

அதில் ஆண்டுக்கு 2.15 லட்சம் யூனிட் வீதம் கடந்த 10 ஆண்டுகளில் 21.5 லட்சம் யூனிட் மின்சாரத்தை தமிழ்நாடு மின்வாரியத்துக்கு விற்பனை செய்திருக்கிறார்கள். அதன் மூலம் சுமார் ரூபாய். 65 லட்சம் வருவாய் கிடைத்திருக்கிறது. இப்போதும் இது தொடர்கிறது. இதில் சிறப்பு என்னவென்றால், அந்த ஊரில் மின் உற்பத்தி நிலையம் என எதுவுமில்லை. 

1996 ஆம் ஆண்டு தொடங்கி 2006 ஆம் ஆண்டு வரைக்கும் ஓடந்துறை பஞ்சாயத்து ஜாதிவாரி ஒதுக்கீடு காரணமாக பொதுப் பஞ்சாயத்தாக இருந்திருக்கிறது. ஓடந்துறை கிராமத்தின் பஞ்சாயத்து தலைவர் 1996 ஆம் ஆண்டு முதல் 2006 ஆம் ஆண்டு வரை முதல் பத்து வருடங்கள் சண்முகம் இருந்துள்ளார் அதன் பின்னர் 2006- ஆம் ஆண்டில் அந்தப் பஞ்சாயத்தை பெண்களுக்காக ஒதுக்கியதும், சண்முகம் மனைவியான லிங்கம்மாள் தலைவியாகத் தேர்வானார் கிராம மக்கள். கடந்த பத்து ஆண்டுகளாக பஞ்சாயத்து தலைவராக தொடர்பவர் லிங்கம்மாள் சண்முகம்.

கணவன், மனைவி இருவருமாக இந்தக் கிராமத்தில் செய்திருக்கும் புதுமைகள், சாதனைகள் பலரையும் இந்த கிராமத்திற்கு வரவழைத்திருக்கின்றன. ஒரு கிராமப் பஞ்சாயத்து தனது வரிகளை நூறு சதவீதம் வசூலித்தால் தமிழ்நாடு அரசு அதற்கு இணையாக மூன்று மடங்கு ஊக்கத் தொகை வழங்குகிறது. இந்த சலுகைகள் குறித்து, ஊர் மக்களிடம் பேசி இருக்கிறார் தலைவர் லிங்கம்மாள். அரசுக்கு முழுமையாக வரி செலுத்த வேண்டிய அவசியத்தை விளக்கி இருக்கிறார்கள். சிறப்பு முகாம்கள் நடத்தி வீட்டு வரி, கடை வரி, குடிநீர் வரி, தொழில் வரி, வரைபட அங்கீகாரக் கட்டணம் என்று நூறு சதவீதம் வரியை வசூலித்தார். ரூபாய்.20 ஆயிரமாக இருந்த ஊராட்சி வரி வருவாய் ரூபாய்.1.75 லட்சமாக உயர்ந்தது. அதற்கு ஈடாக மும்மடங்கு ஊக்கத் தொகையாக தமிழக அரசு ரூபாய்.5.25 லட்சம் கொடுத்திருக்கிறது. மறு ஆண்டு 3.5 லட்சம் வரி வசூலித்தார். அதே போன்று, தமிழ்நாடு அரசிடமிருந்து ஈடாக ரூபாய் 10.5 லட்சம் ஊக்கத் தொகை பெற்றார். சரி, இந்தத் தொகையை எல்லாம் ஊராட்சி மன்றத்திற்கு 

லிங்கம்மாள் எப்படி பயன்படுத்தினார் எனச் சொல்கிறார்:

"எங்க கிராமத்துல யாரும் வெளியே வட்டிக்கு கடன் வாங்குறதில்லைங்க. கிராமத்துல இருக்குற ஒவ்வொரு வாக்காளருக்கும் கிராமப் பஞ்சாயத்தே கடன் வழங்குது. ஒரு ரூபா வட்டிங்க. கடன் பெறுவதற்கு ரெண்டு தகுதி வேணுமுங்க. தகுந்த காரணம் இருக்க வேணும். பழைய பாக்கி எதுவும் இருக்கக் கூடாது. மருத்துவச் செலவு, பிரசவ செலவு, கல்விக் கட்டணம், சிறு கடை வைக்க கடன் தருகிறோமுங்க. கல்யாணம், காது குத்து, நல்லது, கெட்டதுகளுக்கும் கடன் உண்டுங்க. ஆயிரம் ரூபாய் தொடங்கி 50 ஆயிரம் ரூபாய் வரைக்கும் கொடுத்திருக்கிறோம்'' என்கிறார். கொடுக்கும் தொகைக்கு எழுதி வாங்குவது கிடையாது. சரியான காரணமாக இருந்தால் உடனே பணம் தருகிறார்கள். பதிவேட்டில் தவணைத் தொகை வரவு வைக்கப்படுகிறது.

கடந்த 10 ஆண்டுகளாக நடந்துவரும் இந்தத் திட்டத்தில் திரும்ப வராதகடன் என்கிற பேச்சுக்கே இதுவரை இடமில்லை. இங்கிருக்கும் பழங்குடியினர் காலம் காலமாக தனியார் தோட்டங்களில் கொத்தடிமைகள் போல இருந்திருக்கிறார்கள். அவர்களுக்கென நிரந்தர வசிப்பிடம் கிடையாது. அவர்களுக்கு தனியார் தோட்ட முதலாளிகளிடம் போராடி நிலத்தைப் பெற்று வீடுகள் கட்டிக் கொடுத்திருக்கிறார் தலைவர் லிங்கம்மாள். தனியார் தோட்ட நிறுவனங்களிடம் குறிப்பிட்ட அளவுக்கு அதிகமாக தரிசு நிலமிருந்தால் அதனை அந்த கிராமப் பஞ்சாயத்து கையகப் படுத்திக் கொள்ளலாம் என்பது சட்டம். இதனை அறிந்த லிங்கம்மாள் ஆறு ஏக்கர் நிலத்தை கையகப்படுத்தினார். முதலாளிகள் உயர் நீதிமன்றத்தில் வழக்குத் தொடர்ந்தனர். அவற்றையும் எதிர்கொண்டு வெற்றி பெற்றார் தலைவர் லிங்கம்மாள். அங்கு பழங்குடி இனத்தவருக்கு 250 வீடுகள் கட்டிக் கொடுக்கப்பட்டன. இவை தவிர வினோபாஜி நகரில், தமிழ்நாடு அரசின் சார்பில் 101 பசுமை வீடுகள் சோலார் மின் தொழில்நுட்பத்துடன் கட்டிக் கொடுக்கப்பட்டுள்ளன. ஒரே இடத்தில் 101 பசுமை வீடுகள் கட்டிக்கொடுக்கப் பட்டிருக்கும் தமிழகத்தின் ஒரே பஞ்சாயத்து ஓடந்துறை மட்டுமே.

இதிலும் ஒரு சிறப்புண்டு. தமிழ்நாடு முழுவதுமே பசுமை வீடுகள் கட்டிக் கொடுக்கப்பட்டு வருகின்றன. ஆனால், அதில் பயன்பெற அடிப்படைத் தகுதியாக சொந்த நிலம் வைத்திருக்க வேண்டும். இங்கு நிலம் இல்லாதவர்களுக்கு நிலத்துடன் வீட்டை சொந்தமாக்கிக் கொடுத்திருக்கிறார் தலைவர் லிங்கம்மாள். இங்கே தமிழ்நாடு அரசுக்குச் சொந்தமான பூமிதான நிலம் 3.22 ஏக்கர் இருந்திருக்கிறது. வருவாய்த் துறையிடம் பேசியவர், கிராம சபையின் தீர்மானம் மூலம் கிராமப் பஞ்சாயத்துக்கு அந்த நிலத்தை மாற்றியவர், அங்கு வீடுகளை கட்டியிருக்கிறார். "கிராமத்துல இருக்குற மொத்தப் பேருக்குமே சொந்த வீடு இருக்கு. அதுல பாதி வீடுகள் சர்க்கார் வீடுங்க. வாடகை வீடுங்கிற கலாச்சாரமே இங்கே கெடையாதுங்க.''

இத்தோடு நிற்கவில்லை சாதனைகள். இந்தக் கிராமத்தில் நூறு சதவீதம் மாணவர்களும் கல்வி பெறுகிறார்கள். இடை நின்ற மாணவர் ஒருவர் கூட கிடையாது. மின்சாரத்தை மிச்சப்படுத்தும் சோலார் தெருவிளக்குகள், எல்.இ.டி. விளக்குகள் ஜொலிக்கின்றன. ஒவ்வொரு வீட்டுக்கும் சுத்திகரிக்கப் பட்ட குடிநீர் கிடைக்கிறது. தெருக்கள் தூய்மையாகப் பளிச்சிடுகின்றன. இதற்காக மத்திய, மாநில அரசுகள் மற்றும் உலக நாடுகள் அளித்திருக்கும் விருதுகள் கிராமப் பஞ்சாயத்து அலுவலகத்தை அலங்கரிக்கின்றன. சில ஆண்டுகளுக்கு முன்பு தமிழ்நாடு அரசு அனைத்து கிராமப் பஞ்சாயத்துத் தலைவர்களையும் திரட்டி இவர்கள் கிராமத்துக்கு அனுப்பியது.

அனைவருக்கும் உள்ளாட்சி நிர்வாகம் குறித்து தலைவர் லிங்கம்மாளும் முன்னாள் பஞ்சாயத்துத் தலைவர் சண்முகமும் பாடம் எடுத்திருக்கிறார்கள். வாஷிங்டனிலிருந்து உலக வங்கி இயக்குநர் தலைமையிலான குழு ஒன்று ஓடந்துறையை ஆய்வு செய்திருக்கிறது. ஜெர்மனி, ஜப்பான், பிரான்ஸ் ஆகிய வளர்ந்த நாடுகளின் உள்ளாட்சிப் பிரதிநிதிகள் கூட இங்கே நேரில் வந்து பல விஷயங்களை பார்த்துச் சென்றிருக்கிறார்கள். மின்சார உற்பத்தி மற்றும் தொகுப்பு வீடுகளை பார்வையிட்ட ஆப்பிரிக்க நாடுகளின் அமைச்சர்கள் தங்கள் நாட்டில் இதுபோன்ற திட்டங்களை அறிமுகப்படுத்தி இருக்கிறார்கள். சிக்கிம், கேரளம், கர்நாடகம் ஆகிய மாநிலங்களின் அரசுத் துறைச் செயலர்கள் கூட ஓடந்துறையை வந்து பார்வையிட்டுச் சென்றிருக்கிறார்கள். சென்னை அண்ணா மேலாண்மையகத்தில் பேரூராட்சித் தலைவர்கள் மாநாட்டில் உரையாற்றியிருக்கிறார் கிராமப் பஞ்சாயத்து தலைவர் லிங்கம்மாள். தமிழ்நாட்டின் ஒரு பெருமையான சின்னமாக விளங்குகிறது ஓடந்துறை கிராமப் பஞ்சாயத்து என்பதில் ஐயமில்லை