கர்நாடக மாநில ஆளுநர் முதலமைச்சர் சித்தராமையா மீது வழக்குத் தொடர அனுமதி

 கர்நாடகா மாநிலத்தில் மைசூர் நகர்ப்புற மேம்பாட்டுத் திட்ட ஆணையம் நில ஒதுக்கீடுகள் செய்ததில் ரூபாய் 4000 கோடிக்கு ஊழல் முறைகேடுகள்

நடந்திருப்பதற்குப் பொறுப்பேற்று கர்நாடக மாநில முதல்வர் சித்தராமையா பதவி விலக வேண்டுமென எதிர்க்கட்சிகள் வலியுறுத்துகின்றன. மேலும் முதல்வர் சித்தராமையா மனைவி பேரில் 14 வீட்டு மனைகள் பினாமியாக ஒதுக்கீடு செய்யப்பட்டுள்ளதாக எதிர்க்கட்சிகள் குற்றம் சாட்டியுள்ளனர்.  இந்த நிலையில் கர்நாடக மாநில ஆளுநர் முதலமைச்சர் சித்தராமையா மீது வழக்குத் தொடர அனுமதி அளித்தார். அதனால் 

“கர்நாடக மாநில ஆளுநரைக் கண்டித்து போராட்டம் நடத்தும் காங்கிரஸ் கட்சி அறிவித்துள்ளது. 

கர்நாடக மாநிலத்தின் மைசூர் நகர்ப்புற மேம்பாட்டுத் திட்ட ஆணையம் நில ஒதுக்கீடு செய்ததில் 4000 கோடி ரூபாய் முறைகேடு நடந்திருப்பதாகவும், இதற்கு பொறுப்பேற்று கர்நாடக முதல்வர் சித்தராமையா பதவி விலக வேண்டும் எனவும் எதிர்க்கட்சிகள் வலியுறுத்தி வருகின்றன. சித்தராமையாவின் மனைவி பேரில் 14 வீட்டு மனைகள் ஒதுக்கீடு செய்யப்பட்டுள்ளதாக

எதிர்க்கட்சிகள் குற்றம் சாட்டியுள்ளனர். இதனால் மூடா மோசடி வழக்கு என அழைக்கப்படும் இந்த மோசடி விவகாரம் தற்போது கர்நாடகா மாநிலத்தின் அரசியலில் தாக்கம் ஏற்படுத்தியுள்ளது.

இந்தச் சூழலில்  ஊழல் தடுப்புச் சட்டம் 1998 ன்17 வது பிரிவு மற்றும் புதிதாக தற்பொழுது அமலுக்கு வந்திருக்கும் பாரதிய நாகரிக் சுரக் ஷா சம்ஹிதா வழக்கின் சட்டப் பிரி 218 வது பிரிவு என இந்த இரண்டு பிரிவுகளின் கீழ் சித்தராமையாவை விசாரிக்க கர்நாடகா மாநிலத்தின் ஆளுநர் தாவர் சந்த் கெலாட் அனுமதியளித்திருக்கிறார். முதலமைச்சர் சித்தராமையா பதவி விலக வேண்டும் என வலியுறுத்தி பாரதிய ஜனதா கட்சி, மஜத உள்ளிட்ட எதிர்க்கட்சிகள் பாதயாத்திரைப் போராட்டம் நடத்தி வருகின்றனர். அதே நேரம் முதல்வர் சித்தராமையாவை விசாரிக்க மாநில ஆளுநர் அனுமதி அளித்துள்ள நிலையில் மாநில ஆளுநரின் இந்த உத்தரவை எதிர்த்து நீதிமன்றத்தை கர்நாடக அரசு நாட இருப்பதாகத் தெரிகிறது. 

கர்நாடக மாநிலத்தின் ஆளுநரைக் கண்டித்து போராட்டம் நடத்தும் என காங்கிரஸ் கட்சி அறிவித்துள்ளது.

“அதோடு கர்நாடகா ஆளுநர் பாஜகவின் அழுத்தத்தாலும், மத்திய அரசின் அழுத்தத்தாலும் செயல்பட்டு இவ்வாறு செயல்பட்டு வருகிறார் எனக் காங்கிரஸ் கட்சி குற்றச்சாட்டுக்கு பதில் தெரிவித்துள்ளது. இந்த ஆளுநர் அனுமதி காரணமாக ஏற்படக்கூடிய நிகழ்வுகள், கர்நாடகா மாநிலத்தில் எந்த மாதிரியான விளைவுகளையும் தாக்கத்தையும் ஏற்படுத்தும் என்பது குறித்து முதல்வர் சித்தராமையா ஆலோசனை நடத்திய நிலையில் வீட்டுமனை முறைகேடு விவகாரத்தில் முதல்வர் சித்தராமையாவை விசாரிக்க அனுமதி அளித்த கர்நாடக ஆளுநரைக் கண்டித்து ஆகஸ்ட் 19 ஆம் தேதி (19.08.2024) மாநிலம் முழுவதும் போராட்டம் நடத்தப்படும் என  காங்கிரஸ் கட்சி தற்போது அறிவித்துள்ளது.