மஹாகவி பாரதியார் நினைவைப் போற்றும் நாளிது

அணைத்து உள்ளத்தில் நிலைத்து நிற்கும் மஹாகவி நம் தேசக் கவிஞர் "துச்சமாக எண்ணி நம்மை தூறு செய்த  போதிலும்

அச்சமில்லை...! அச்சமில்லை..!!.   அச்சமென்பதில்லையே..!!!  கல்வியுள்ளவரே. கண்ணுள்ளார் எனலாம்.

கல்வியில்லாதவர் கண் புண்ணென்றே  எனலாம்..

கல்வி மிகுந்திடில் கழிந்திடும் கடமை....கற்பதுவே உன் முதற் கடமை....!

மனதில் உறுதி வேண்டும்.  வாக்கினிலேயே  இனிமை வேண்டும்;  நினைவு நல்லது வேண்டும்;

நெருங்கின பொருள் கைகூட வேண்டும்.   எவரையும் வெற்று காகிதம் என ஒரு போதும் எண்ணாதே...

ஒரு நாள் அவன் பட்டமாய் பறப்பான்

நீயும் அண்ணாந்து தான் பார்க்க வேண்டும்.

மனஉறுதி இல்லாதவனுடைய உள்ளம் குழம்பிய ஒரு கடலுக்கு சமமானது...!

காயங்கள் குணமாக காலம் காத்திரு...கனவுகள் நினைவாககாயம் பொறுத்திரு.      என எழுதிய வார்த்தை என்றும் மனதில் ஓடும்.

1897-ஆம் ஆண்டில் மஹாகவி சுப்பிரமணிய பாரதி பள்ளியில் படித்துகொண்டிருக்கும் போது செல்லம்மாவைத் திருமணம் செய்தார். மகள்கள் தங்கம்மாள், சகுந்தலா.

காசி ஹிந்துக் கல்லூரியில் சமஸ்கிருதமும், ஹிந்தியும் கற்றார். அதோடு போஜ்புரி, அவதி, பிரஜ்பாஷாவைக் கற்றுக் கொண்டார். அங்குள்ள பல்கலைக்கழகத்தின் நூலகங்களில்  வில்லியம் வேர்ட்ஸ் வொர்த், ஷெல்லி, பைரன், ஷேக்ஸ்பியரின் நூல்கள் பாரதிக்கு அறிமுகமானது.

காசியிலிருந்த போது 1899 ஆம் ஆண்டு முதல் 1902  ஆம் ஆண்டு வரை  பாரதிக்கு பால கங்காதர திலகர், லாலா லஜ்பதி ராய், பிபின் சந்தர்பால், டாக்டர் பகவான் தாஸ் போன்ற விடுதலைப் போராட்ட தேசியத் தலைவர்களை நேரில் சந்தித்துப் பேசினார். இந்தச் சந்திப்புகள் பாரதியார் பின்னாளில் விடுதலைப் போராட்டத்தில் ஈடுபடக் காரணமாகவே அமைந்தன. பிறகு எட்டையபுரத்து மன்னரின் அழைப்பை ஏற்று அரசவைக் கவிஞராகப் பணியாற்றினார். 1904-ஆம் ஆண்டில் மதுரையில் மன்னர் சேதுபதி மேல்நிலைப் பள்ளியில் தமிழாசிரியராகப் பணியாற்றினார். இவரின் ஞான குருவாக விவேகானந்தரின் மாணவி நிவேதிதா  பாரதிக்கு உதவியவர் நவம்பர் மாதம் 1904-ஆம் ஆண்டில் சென்னைக்குச் சென்று சுதேசமித்திரன் இதழின்  ஆசிரியர் குழுவில் சேர்ந்தார். அது முதல் அரசியல், சுதந்திரப் போராட்டம் பற்றிய பரிச்சயம் கிடைத்தது. 1904 ஆம் ஆண்டு முதல் 1908 ஆம் ஆண்டு வரை சென்னையில் பத்திரிகை ஆசிரியராகப் பணியாற்றினார், மேடைப் பேச்சாளராக, மாநாட்டுப் பிரதிநிதியாக, சங்க அமைப்பாளராக, தீவிர சுதந்திரப் போராட்ட இயக்கத்தாரோடு தொடர்பு கொண்டவராக வளர்ந்தார். பாரதி பாலகங்காதர திலகரை அரசியல் குருவாக ஏற்றார்.பாரதி ஜாதி அமைப்பை எதிர்த்து தன்னுடைய பூணூலைத் துறந்தார்.

வ.ரா. வையும் பூணூலை எடுத்து விடச் செய்தார். கனகலிங்கம் என்ற ஹரிஜனப் பையனுக்குப் பூணூல் அணிவித்தார். பிராமணன் யார்? என்பதற்குப் பாரதியார் வஜ்ரசூசி என்ற சாத்திரத்தை ஆதாரம் காட்டி, பிறப்பால் ஒருவன் பிராமணன் இல்லை என்றார். 'நந்தனைப் போல ஒரு பார்ப்பான் இந்த நானிலத்தில் கண்டதில்லை’ என்றார். 'பெண்களுக்குச் சொத்துரிமை வேண்டும்; கல்வி பயில, பதவிகள் வகிக்க உரிமை வேண்டும்;

விரும்பிய மணாளனை மணந்துகொள்ள முழு உரிமை வேண்டும்; மனம் கசந்தால் விவாக ரத்துச் செய்ய உரிமை வேண்டும்; கணவன் இறந்து போனால், விதவைக்கோலம் பூணாது மறுமணம் செய்து கொள்ள உரிமை வேண்டும்’ என்று எழுதினார். விதவைகள் மறுமணம் குறித்துக் காந்தியடிகள் தயக்கம் காட்டிய போது அதை எதிர்த்து எழுதினார். ஜூலை மாதம் 1921-ஆம் ஆண்டில் ஜூலை மாதம் திருவல்லிக்கேணி பார்த்தசாரதி கோவிலுக்கு சென்றபோது, எதிர்பாராவிதமாக அந்த கோவில் யானையால் தூக்கி எறியப்பட்டதால் பலத்த காயமுற்று மிகவும் நோய்வாய்ப்பட்டார். செப்டம்பர் மாதம் 12ஆம் தேதி 1921-ஆம் ஆண்டில் 39-ஆவது வயதில் காலமானார்.         சென்னை திருவல்லிக்கேணியிலுள்ள இல்லத்தில் பாரதியார் வசித்தார். 

தனது 39-வது வயதில், 1921-ஆம் ஆண்டு செப்டம்பர் மாதம் 11- ஆம் தேதி நள்ளிரவு 1:30 மணியளவில் இறந்தார் .

நள்ளிரவு 12:00 மணிக்கு மேல் என்பது, அடுத்த நாள் கணக்கில் தான் வரும் என்பதால், செப்டம்பர் மாதம்., 12 ஆம் தேதி பாரதியார் இறந்ததாகக் குறிப்பிட்டு, அவரது உறவினர்கள் சரியான முறையில் பதிவு செய்துள்ளனர். ஆனால், அப்போதைய மரபு வழக்கப்படி சில புத்தகங்களிலும், பேச்சு வழக்கிலும், செப்டம்பர் மாதம்.,11 ஆம் தேதியில் பாரதியார் இறந்தார் என்று தான் குறிப்பிடப்பட்டு, பின்னர் அதுவே நிலைத்துவிட்டது. 

இது குறித்து தமிழ் வளர்ச்சி ஆர்வலர்கள், தமிழ்நாடு மற்றும் புதுச்சேரி அரசுகளின் கவனத்துக்கு எடுத்துச் சென்றனர். பாரதியார் நினைவு தினம் செப்டம்பர்.,12 என, அதிகாரப்பூர்வமாக தேதியை மாற்ற முயன்றதன் காரணமாக, 2014- ஆம் ஆண்டில், தமிழ்நாடு முதல்வராக காலம்சென்ற செல்வி.ஜெ.ஜெயலலிதா இருந்த போது, எட்டயபுரத்திலுள்ள கல்வெட்டில், மறைந்த தினம் செப்டம்பர் மாதம் 12 ஆம் தேதி என்று திருத்தம் செய்யப்பட்டது. அப்போது முதல், செப்டம்பர் மாதம்.12-ஆம் தேதியில் தான் பாரதியார் நினைவு தினத்தை தமிழ்நாடு அரசு அனுசரிக்கிறது.

ஆனால் பெரும்பாலான இணையத் தளங்களில் செப்டம்பர் மாதம் 11 ஆம் தேதி என்றே இருக்கிறது.                     திண்ணிய நெஞ்சம்வேண்டும்... தெளிந்த நல் அறிவு வேண்டும் ....!

உள்ளத்தில் நேர்மையும் தைரியமும் இருந்தால் நடக்கும் பாதையும் நேரானதாகவே இருக்கும்...!

சரியோ தவறோ வாழ்கின்ற ஒரு வாழ்வை உனக்குப் பிடித்தபடி மனச்சாட்சியோடு வாழ்...

தீர்வுகள் சொல்ல இங்கு யாரும் நல்லவரும் இல்லை...

தீர்வுகள் கேட்க நீ கெட்டவனும் இல்லை...!

துன்பம் நேரும் சமயத்தில் அதைக் கண்டு. சிரிக்கப் பழகுங்கள்

அதுவே.அத்துன்பத்தை வெட்டும் வாளாகி விடும்.

துன்பம் நேரும்போது  துணிச்சல் எனும் கடிவாளத்தால் கட்டி மனக்குதிரையைப் பிடித்து நிறுத்த வேண்டும். இதுவே சரியான யோகப்பயிற்சி. ஆகவே பாரதியார் நினைவு நாளில் அவரையும்

அவரது வீர வரிகள். கவிதைகளை போற்றி ஒன்றாய் நின்றினி வென்றாயினுமுயிர் சென்றாயினும் வலி குன்றாதோதுவோம் என வணங்குவோம்.