அரசியலுக்காக ஆலயத்து நெய்யில் பொய் கலந்தவர்கள் யார் ? உச்சநீதிமன்றத்தில் காரசாரமான விவாதம் நாளையும் தொடரும்

திருப்பதி லட்டு தயாரிப்பில் கலப்பட நெய் பயன்படுத்தப்பட்டதாக ஆய்வக அறிக்கையின் முதல் பார்வையில் இல்லை என உச்சநீதிமன்றம் கூறியுள்ளது.

குறைந்த பட்சம் கடவுளையாவது அரசியலிலிருந்து விலக்கி வைக்க வேண்டும் எனக் கூறிய உச்சநீதிமன்றம் , முந்தைய ஆட்சிக் காலத்தில்  ஒய்எஸ்ஆர் காங்கிரஸ் கட்சி லட்டு தயாரிக்க விலங்குகளின் கொழுப்பு அடங்கிய தரமற்ற நெய்யைப் பயன்படுத்தியதாகக் கூறிய தெலுங்கு தேசம் கட்சியின் ஆந்திரப் பிரதேச முதல்வர் சந்திரபாபு நாயுடுவை கடுமையாகவே விமர்சித்துள்ளது. திருப்பதி திருமலையில் உள்ள ஸ்ரீ வெங்கடேஸ்வரா கோவில் சார்பில் அரசு அளித்த ஆய்வக அறிக்கையை ஆய்வு செய்த உச்ச நீதிமன்றம், சோதனைக்கு அனுப்பப்பட்ட நெய் ஒன்றில் நிராகரிக்கப்பட்டு , லட்டு தயாரிக்க பயன்படுத்தப்படவில்லை எனக் கூறியது.

நீதிபதிகள் பி.ஆர்.கவை மற்றும் கே.வி.விஸ்வநாதன் ஆகியோர் அடங்கிய அமர்வு செப்டம்பர் மாதம் 25 ஆம் தேதி இந்த விவகாரத்தில் முதல் தகவல் அறிக்கை பதிவு செய்யப்பட்டு, செப்டம்பர் மாதம் 26 ஆம் தேதி சிறப்பு புலனாய்வுக் குழு (எஸ்ஐடி) அமைக்கப்பட்டாலும், செப்டம்பர் 18 ஆம் தேதி முதல்வர் கோரிக்கை விடுத்ததாகக் குறிப்பிட்டது .  ஒரு உயர் அரசியலமைப்பு சார்பில் அதன் முதல்வர் மற்றும் செயலாளரின் தரப்பில் பொதுவில் சென்று கோடிக்கணக்கான மக்களின் மத நம்பிக்கை உணர்வுகளைப் பாதிக்கும் வகையில் அறிக்கை வெளியிடுவது பொருத்தமானதல்ல” என அமர்வு கூறியது.

அத்தகைய கூற்றை நிரூபிக்க இன்னும் உறுதியான ஆதாரமில்லை எனக் கூறிய அமர்வு, குற்றச்சாட்டுகள் குறித்து அரசு ஏற்கனவே விசாரணைக்கு உத்தரவிட்ட நிலையில், இந்த விவகாரம் குறித்து பகிரங்க அறிக்கையை வெளியிட வேண்டிய அவசியம் குறித்து கேள்விகள் எழுப்பியது. ஆந்திரப் பிரதேசத்தில் உள்ள ஸ்ரீ வெங்கடேசப் பெருமானை வழிபடும் ஹிந்து ஆலயத்தில் லட்டு தயாரிக்க விலங்குகளின் கொழுப்பு பயன்படுத்தப்பட்டது என்று உறுதியாக முடிவெடுக்க முதலமைச்சரிடம் ஏதேனும் ஆதாரம் குறித்து பொருள் உள்ளதா என்றும் நீதிபதி கவாய் கேள்வி எழுப்பியுள்ளார்.

அதைச் சேர்த்து, அறிக்கைகளின் படி நெய் மாதிரி நிராகரிக்கப்பட்டதை நீதிபதி கூர்ந்து விஸ்வநாதன் கவனித்தார். "அப்படியானால், நீங்களே விசாரணைக்கு உத்தரவிட்ட போது , ​​பத்திரிகைகளுக்குச் சொல்ல வேண்டிய அவசியம் என்ன ?" என்றும் நீதிபதி கேட்டார். "குறைந்த பட்சம் கடவுள்களை அரசியலிலிருந்து விலக்கி வைக்க வேண்டும் " என நீதிமன்றம் குறிப்பிட்டுள்ளது.

திருப்பதி லட்டுகளில் பயன்படுத்தப்படும் நெய்யில் விலங்குகளின் கொழுப்பு கலந்திருப்பது குறித்து நீதிமன்றக் கண்காணிப்பு விசாரணை கோரி பாரதிய ஜனதா கட்சியின் மூத்த தலைவரும் நாடாளுமன்ற உறுப்பினருமான டாக்டர் சுப்பிரமணியன் சுவாமி , TTD திருமலை திருப்பதி தேவஸ்தானம் முன்னாள் தலைவர் சுப்பா ரெட்டி , வரலாற்றாசிரியர் விகரம் சம்பத் ஆகியோர் தாக்கல் செய்த மனுக்களை உச்சநீதிமன்றத்தில் அமர்வு விசாரித்தது . “பக்தர்களின் உணர்வுகளைப் பாதிக்கும் வகையில் இதுபோன்ற ஒரு அறிக்கையை வெளியிட்டிருக்க வேண்டுமா? SIT க்கு உத்தரவிடப்பட்டபோது பத்திரிகைகளுக்குச் சென்று பகிரங்க அறிக்கை வெளியிட வேண்டிய அவசியமென்ன ? அதே நெய் தான் பயன்படுத்தப்பட்டது மற்றும் வாங்கப்பட்டது என்பதை முதன்மையான பார்வையில் குறைந்தபட்சம் காட்ட ஆதாரங்கள் எதுவும் இல்லை, இந்த கட்டத்தில் காட்ட உறுதியான ஆதாரம் எதுவும் இல்லை. விசாரணை நிலுவையில் இருந்தாலும், பொறுப்புள்ள கட்சியின் பொதுச் செயலாளர்களால் இதுபோன்ற அறிக்கைகள் வெளியிடப்பட்டால் , அது SITயில் என்ன விளைவை ஏற்படுத்தும்?  அதற்கு பொருள் தான் என்ன?"

திருமலை திருப்பதி தேவஸ்தானம் (TTD) சார்பில் ஆஜரான மூத்த வழக்கறிஞர் சித்தார்த் லுத்ரா, இது தொடர்பான நீதிமன்றத்தின் கேள்விகளுக்கு சரியான பதிலளிக்கவில்லை என நீதிமன்றம் கூறியது . “நீங்கள் இன்னும் பதில் சொல்லவில்லை. நெய் பயன்படுத்தியதாகக் காட்ட எதுவுமில்லை. இவை நிராகரிப்பை நியாயப்படுத்தவும், பணம் செலுத்துவதை நிறுத்தவும் பயன்படுத்தப்படும் செயல்முறைகள்! அரசு நியமித்த SIT யின் விசாரணை தொடர வேண்டுமா அல்லது சுதந்திரமான மாற்று ஏஜென்சி மூலம் விசாரணை நடத்தப்பட வேண்டுமா என்பதைத் தீர்மானிக்க உதவுமாறு சொலிசிட்டர் ஜெனரல் துஷார் மேத்தாவிடம் அமர்வு கேட்டுக் கொண்டது .

வழக்கின் அடுத்த கட்ட விசாரணையை அக்டோபர் மாதம் 3 ஆம் தேதிக்கு அமர்வு தள்ளி வைத்தது .         இந்த நிலையில்     ஆந்திரப்பிரதேச அரசு ‘எஸ்ஐடி’ என்னும் சிறப்பு விசாரணைக் குழுவை குண்டூர் ஐஜி சர்வேஷ்ட்ர திரிபாதி தலைமையில் அமைத்தது. விசாகப்பட் டினம் டிஐஜி கோபிநாத் ஜெட்டி, கடப்பா மாவட்டக் காவல்துறைக் கண்காணிப்பாளர் ஹர்ஷவர்தன் ராஜு உள்ளிட்ட மொத்தம் 9 பேர் அதில் இடம் பெற்றனர். இவர்கள் 3-வது நாளாக நேற்று முன்தினம் விசாரணை நடத்தினர்.

அப்போது திருமலை திருப்பதி தேவஸ்தான நிர்வாக அலுவலர் சியாமள ராவைச் சந்தித்து, திண்டுக்கல் ஏ ஆர் டெய்ரி நிறுவனத்துக்கு டெண்டர் கொடுத்த விவகாரம் குறித்தும் ஆலோசனை நடத்தினர். அன்றைய காலத்தில் வழங்கிய டெண்டரில் பங்கேற்ற நிறுவனங்கள் எவை? அவர்கள் குறிப்பிட்ட தொகை எவ்வளவு? அதிகமான தொகை முதல் குறைந்த தொகை வரை பங்கேற்ற ஒப்பந்ததாரர்கள் யார், யார் ? இதில் டெண்டர் எவ்வாறு நடத்தப்பட்டது? டெண்டர் பெற்ற நிறுவனத்தின் போக்குவரத்து எப்படி நிகழ்ந்தது? டேங்கரிலிருந்து நெய்யின் மாதிரி எடுக்கப்பட்டதா? அல்லது மாதிரியை அந்த நிறுவனம் தனியாக கேனில் வழங்கியதா? அந்த மாதிரியை பரிசோதித்தவர்கள் யார்,யார்? அதன் அதிகாரப்பூர்வமான அறிக்கை என்ன சொல்கிறது? போன்றவை குறித்து, சம்பந்தப்பட்டவர்களிடம் சிறப்பு விசாரணைக் குழு வினர் தீவிரமாக விசாரணை நடத்தியுள்ளனர்.

அது தொடர்பாக அலுவலர் முரளி கிருஷ்ணாவையும் வரவழைத்து விசாரணை நடத்தப்பட்டது. எல்-1 மற்றும் எல்-2 ஆகிய இரு நிறுவனமும் டெண்டரில் ஒரே தொகையைக் குறிப்பிட்டிருந்தால், 65:35 எனும் சதவீதத்தில் டெண்டர் ஒப்புதல் வழங்கப்பட்டதா? இல்லையா? அப்படி இருந்தால் ஒரு கிலோ நெய் ரூபாய்.319.80-க்கு எப்படி வழங்கினர், வேறு ஏதாவது நெய் தயாரிக்கும் நிறுவனம் டெண்டரில் பங்கேற்றதா? என்றும் விசாரிக்கப்பட்டது.

குறைந்த விலைக்கு திண்டுக்கல் ஏ.ஆர்.டெய்ரியிடம் நெய் வாங்க ஒப்புதல் அளித்தது யார்? - திருமலை திருப்பதியில் சிறப்பு விசாரணைக் குழு ஆய்வு செய்த போது 

 பிரசித்தி பெற்ற திருப்பதி லட்டு பிரசாதத்தில் விலங்குகளின் கொழுப்பு கலக்கப்பட்டதான குற்றச்சாட்டில் உண்மை குறித்து ஆராய , ஆந்திரப்பிரதேச அரசின் ‘எஸ்ஐடி’ என்னும் சிறப்பு விசாரணைக் குழு குண்டூர் ஐஜி சர்வேஷ்ட்ர திரிபாதி 

இவ்வளவு குறைந்த விலைக்கு நெய்யை வாங்கும் முன் தேவஸ்தான அலுவலர்கள், அப்போது தரமான நெய் பொதுச் சந்தையில் என்ன விலைக்கு விற்கப்படுகிறது என்பதை அறிந்து தான் டெண்டரை நடத்தினார்களா? என்றும் கேள்வி எழுப்பப்பட்டுள்ளது. குறிப்பாக, தரமற்ற நெய்யை விநியோகம் செய்த திண்டுக்கல் ஏஆர் டெய்ரி நிறுவனத்துக்கு நெய் விநியோகம் வழங்க யார் சிபாரிசு செய்தது? இதில் அறங்காவலர் குழுவில் இடம் பெற்றவர் யார் ? என்ற கேள்வியும் எழுந்துள்ளது. இதனைத் தொடர்ந்து, திண்டுக்கல் ஏஆர் டெய்ரி நிறுவனத்துக்கு சிறப்பு விசாரணைக் குழுவினர் நேரில் சென்று ஆய்வு நடத்தவும் திட்டமிட்டுள்ளனர்.

இதுகுறித்து, ஆந்திரப் பிரதேசத்தின்  உயர் காவல்துறை அலுவலர் திவாரகா திருமலா ராவ் கூறுகையில், "எங்களின் விசாரணையின் நம்பத்தன்மையை உறுதி செய்ய முன்னெச்சரிக்கையாக இந்த நடவடிக்கை எடுக்கப்பட்டுள்ளது. உச்ச நீதிமன்றத்தில் விசாரணையை கருத்தில் கொண்டு எங்களுடைய விசாரணையை நாங்கள் தற்போது இடைநிறுத்தியுள்ளோம். எங்களின் குழு பல்வேறு ஆய்வுகளை மேற்கொண்டு, சிலரின் வாக்குமூலங்களைப் பதிவு செய்து அதில் முதல்கட்ட விசாரணையை முடித்துள்ளோம்" எனத் தெரிவித்தார். முன்னதாக, திருமலைக் கோயிலுக்கு வரும் பக்தர்களுக்கு வழங்கப்படும் லட்டு பிரசாதம், அது தயாரிக்கப்படுவதற்கு முன்பாக அதில் பயன்படுத்தப்படும் நெய் சேமித்து வைக்கப்படும் ஒரஙமாவு மில்லில் கடந்த வாரத்தில் சிறப்பு புலனாய்வுக் குழு ஆய்வு நடத்தியது குறிப்பிடத்தக்கது.