அரசு பணம் கையாடல் செய்ததில் சுற்றுலா சென்றவரை சிறை செல்ல வைத்த நீதிமன்றம்

தேனி NTR நகரில் செயல்படும் தமிழ்நாடு குடிநீர் வடிகால் வாரியத்தின் நிர்வாகப் பொறியாளர் அலுவலகத்தில்

கண்காணிப்பாளரான முருகானந்தம்(வயது 56) பொய்யான கணக்கைக் காட்டி ரூபாய்.1 கோடியே 16 லட்சம் கையாடல் செய்த. பணத்தில் கோவிலுக்கு நன்கொடை வழங்கியதோடு, குடும்பத்தோடு சுற்றுலாவும் சென்று செலவு செய்துள்ளதாக வாக்குமூலம் அளித்துள்ளார். தமிழ்நாடு குடிநீர் வடிகால் வாரிய நிர்வாகப் பொறியாளர்  அலுவலகத்தில் சென்னையில் உள்ள தமிழ்நாடு குடிநீர் வடிகால் வாரியம் கழிவுநீர் அகற்றும் கோட்டத்தின் தலைமை அலுவலகத்தின் உத்தரவில், ஊழல் தடுப்புக் கண்காணிப்பு மற்றும் லஞ்ச ஒழிப்புத் துறையின் அலுவலர் வரதராஜன் கடந்த ஜூன் மாதம் 6 ஆம் தேதி, ஆகஸ்ட் மாதம் 5 ஆம் தேதி, செப்டம்பர் மாதம் 24 ஆம் தேதி, 26 ஆம் தேதிகளில் ஆய்வு செய்ததில், அங்குள்ள குடிநீர் வடிகால் வாரிய நிர்வாகப் பொறியாளர் அலுவலகத்தில் கண்காணிப்பாளராக பணியாற்றிய முருகானந்தம் என்பவர் (திண்டுக்கல் மாவட்டம் சிலுக்குவார்பட்டியைச் சேர்ந்தவர்) , பொய்யான கணக்கைக் காட்டி ரூபாய்.1 கோடியே 16 லட்சம் வரை கையாடல் செய்திருப்பதை அலுவலர்கள் கண்டுபிடித்ததையடுத்து முருகானந்தம் பணியிடை நீக்கம் செய்யப்பட்டார். அது தொடர்பாக தமிழ்நாடு குடிநீர் வடிகால் வாரிய நிர்வாகப் பொறியாளர் கருத்தப்பாண்டியன் தேனி மாவட்டக் காவல் துறைக் கண்காணிப்பாளர் சிவபிரசாத்திடம் செய்த புகாரின் படி முருகானந்தம் மீது மாவட்டக் குற்றப்பிரிவுக் காவலர்கள் வழக்குப்பதிவு செய்து அவரை தீவிரமாகத் தேடி வந்தனர். முருகானந்தம் கடந்த 20- ஆம் தேதி தேனி குற்றவியல் நீதித்துறை நடுவர் நீதிமன்றத்தில்  சரணடைந்ததையடுத்து அவரை கடந்த 29-ஆம் தேதி 4 நாட்கள் காவல்துறை காவலில் எடுத்து விசாரிக்க மாவட்டக் குற்றப்பிரிவு காவல் துறையினருக்கு தேனி குற்றவியல் நீதித்துறை நடுவர் அனுமதியளித்தன் பேரில் அவரை தேனி காவல் ஆய்வாளர் மாயாராஜலட்சுமி தலைமையிலான காவல்துறையினர் காவலில் எடுத்து விசாரித்தனர். அப்போது முருகானந்தம் கையாடல் செய்ததை ஒப்புக் கொண்டு வாக்குமூலம் கொடுத்துள்ளார். அதில், புதிய வீடு வாங்கியதாகவும், தனது குடும்பத்துக்கு ஆடம்பரச் செலவுகள் செய்ததாகவும், கோவில்களுக்கு நன்கொடைகள் வழங்கியதாகவும் தெரிவித்துள்ளார். மேலும், தனது குடும்பத்தினர் மற்றும் உறவினர்களை ஒரு பேருந்து மூலம், இந்தியாவின் பல்வேறு பகுதிகளுக்கு சுற்றுலா அழைத்துச் சென்று ஆடம்பரச் செலவுகள் செய்ததாகவும் அவர் வாக்குமூலத்தில் கூறினாராம். இந்த தகவல் காவல்துறை தரப்பில் தெரிவித்தனர்.

விசாரணையைத் தொடர்ந்து அவரை நேற்று முன் தினம் குற்றவியல் நீதிமன்றத்தில் ஆஜர்படுத்தி தேக்கம்பட்டியில் உள்ள தேனி மாவட்ட சிறையில் அடைத்தனர்.

2019- ஆம் ஆண்டில் பெரியார் குடிநீர் வடிகால் வாரிய அலுவலகத்தில் தட்டச்சராகப் பணியில் சேர்ந்த முருகானந்தம், பதவி உயர்வில் கண்காணிப்பாளராக இருந்து வந்தார் என்றும் கடந்த 2 ஆண்டுகளுக்கு முன் மோசடிப் புகாரில் இடைநீக்கம் செய்யப்பட்டுள்ளார் என்றும் மேலும் தெரிவித்தனர்.