வேங்கை வயல் விவகாரத்தில் பிரபல மூத்த வழக்கறிஞர் ப.பா.மோகன் ஆஜரான நிலையில் வழக்கில் விசாரணை சூடுபிடித்துள்ளது

வேங்கைவயல் விவகாரத்தில் பாதிக்கப்பட்டவர்களும், குற்றம் சாட்டப்பட்டவர்களும் ஒரே சமூகத்தைச் சேர்ந்தவர்கள் என்பதால், இந்த வழக்கை வன்கொடுமைத் தடுப்புச் சட்ட சிறப்பு நீதிமன்றத்திலிருந்து, புதுக்கோட்டை குற்றவியல் நீதித்துறை நடுவர் நீதிமன்றம்  எண்-2-க்கு மாற்ற வேண்டுமென சி.பி.சி.ஐ.டி. காவல்துறை வழக்கறிஞர் தரப்பில் கோரிக்கை விடுக்கப்பட்டது. குறித்து விசாரித்து நடவடிக்கை எடுப்பதாக நீதிபதி வசந்தி தெரிவித்தார்.             இந்த நிலையில் வல்லான் வகுத்ததே வாய்க்கால் என்ற நிலையை மாற்றியவர்.

பவானியில்  கம்யூனிஸ்ட் கட்சியின் தோழர் மூத்த வழக்கறிஞர்  வாச்சாத்தி வழக்கை சட்டப்போராட்டம் மூலம் வென்று  காவல்துறை, மற்றும் வனத்துறையின் சிம்ம சொப்பனமாக விளங்கும் ஏழைகளின் பங்காளன் மூத்த வழக்கறிஞர் ப.பா. மோகன் அவர்களுடன் வேங்கை வயல் வழக்கு பிரச்சனைக்கான சமூக நீதிக்கான கம்யூனிஸ்ட் உள்ளிட்ட அணைத்துக் கட்சியின் வழக்கறிஞர் குழுமம் சார்பில் வழக்கறிஞர் சு.பழனிவேலு, வழக்கறிஞர் சத்யா, உச்ச நீதிமன்ற வழக்கறிஞர் இராமமூர்த்தி உள்ளிட்ட முப்பதுக்கும் மேற்பட்ட வழக்கறிஞர்களுடன் ஆஜராகி இன்று 01.02.2025 புதுக்கோட்டை சிறப்பு நீதிமன்றத்தில் சிறப்பாக வாதம் செய்தார் அதில் 1.1 இந்திய அரசியலமைப்பின் 14 வது பிரிவு பின்வருமாறு கூறுகிறது: "சட்டத்தின் முன் எந்தவொரு நபரின் சமத்துவத்தையோ அல்லது இந்தியாவின் பிரதேசத்திற்குள் உள்ள சட்டங்களின் சமமான பாதுகாப்பையோ அரசு மறுக்காது." பிரிவு 15, இந்திய அரசியலமைப்பு 1950

(1) எந்தவொரு குடிமகனுக்கும் மதம், இனம், சாதி, பாலினம், பிறந்த இடம் அல்லது அவற்றில் ஏதேனும் ஒன்று மட்டுமே அரசு பாகுபாடு காட்டாது. -"தீண்டத்தகாத தன்மை" ரத்து செய்யப்படுகிறது மற்றும் எந்த வடிவத்திலும் அதன் நடைமுறை தடைசெய்யப்பட்டுள்ளது.

"தீண்டத்தகாத தன்மை" யிலிருந்து எழும் எந்தவொரு இயலாமையையும் அமல்படுத்துவது சட்டத்தின்படி தண்டனைக்குரிய குற்றமாக இருக்கும். என வாதிட்டார் அதற்கு பிறகு சிபிசிஐடி சார்ந்த வழக்கறிஞர் வாதிட்டார்  சி.பி.சி.ஐ.டி. காவல்துறை தாக்கல் செய்த குற்றப்பத்திரிகையில் பல்வேறான முரண்பாடுகள் உள்ளதாகவும், அதைத் தள்ளுபடி செய்து உத்தரவிட வேண்டும் என புகார்தாரர் கனகராஜ் தரப்பில் வழக்கறிஞர்கள் சார்பில் புதுக்கோட்டை வன்கொடுமைத் தடுப்புச் சட்ட சிறப்பு நீதிமன்றத்தில் மனு தாக்கல் செய்திருந்த நிலையில் அவர் விசாரணையில் பெட்டி ஏற்றி விசாரணை நடைபெற்றது. 

அப்போது சிறப்பு நீதிமன்றத்தில் நீதிபதி வசந்தி , இந்த வழக்கில் வன்கொடுமை தடுப்பு சட்டம் நீக்கப்பட்டதை ஏன் புகார்தாரருக்குத் தெரிவிக்கவில்லை என அரசு தரப்பு சிபிசிஐடி வழக்கறிஞரிடம் கேள்வி எழுப்பினார். இதற்குப் பதிலளித்த அரசு தரப்பு வழக்கறிஞர், இது தொடர்பாக புகார்தாரருக்கு மூன்று முறை சம்மன் அனுப்பப்பட்டதாகவும், ஆனால் அவரால் வர முடியவில்லை என எழுத்துப்பூர்வமாகத் தகவல் தெரிவிக்கப்பட்டதாகவும் குறிப்பிட்டார். மேலும், இந்த வழக்கில் குற்றம்சாட்டப்பட்ட மூன்று பேரும் ஆதிதிராவிடர் பட்டியலினத்தைச் சேர்ந்தவர்கள் என்பதால் வன்கொடுமைத் தடுப்புச் சட்டம் நீக்கப்பட்டதாகவும் அரசு தரப்பு சிபிசிஐடி வழக்கறிஞர் தெரிவித்தார். அதோடு, இந்த வழக்கில் பாதிக்கப்பட்ட நபர்கள் என யாருமில்லை என்றும், சம்பவத்தின் போது மேல்நிலை நீர்தேக்க தொட்டியில் இருந்த குடிநீரை யாரும் குடிக்கவில்லை என்றும் விளக்கமளித்த சிபிசிஐடி அரசு வழக்கறிஞர், இதற்கான ஆதாரம் நீதிமன்றத்தில் சமர்ப்பிக்கப்பட்டுள்ளதாகவும் தெரிவித்தார்.

இந்த வழக்கு தொடர்பாக அனைத்துத் தரப்பு வாதங்களையும் பதிவு செய்து கொண்ட நீதிபதி வசந்தி, வழக்கு மீதான தீர்ப்பு  பிப்ரவரி மாதம் 3-ஆம் தேதி வழங்கப்படும் என தெரிவித்து தள்ளி வைத்தார்.                 வழக்கை முடித்துவிட்டு செய்தியாளர் சந்திப்பில் நாம் சந்தித்த நிலையில் பப்ளிக் ஜஸ்டிஸ் இதழ் சார்பில் சிறப்பு நேர்காணல் நடத்திய நிகழ்வாகும் வழக்கு பிப்ரவரி மாதம் 3 ஆம் தேதி தள்ளி வைக்கப்பட்டது.  பெட்டிச்செய்தி :- பாதிக்கப்பட்ட வேங்கைவயல் கனகராஜ் என்பவருடன் நாம் நடத்திய நேர்காணல் வழக்கு விசாரணை பிப்ரவரி மாதம் மூன்றாம் தேதி முடிவடைந்த பின்னர் வெளிவரும்!

இந்த நிலையில் புதுக்கோட்டை மாவட்டம், இறையூர் வேங்கைவயல் கிராமத்தில் கடந்த 2022-ஆம் ஆண்டு, டிசம்பர் மாதம் 26-ஆம் தேதி ஆதிதிராவிடர் சமூக மக்கள் பயன்படுத்தும் மேல்நிலை நீர்தேக்கத் தொட்டியில் மனிதக் கழிவுகள் கலக்கப்பட்ட நிலையில் அது  அதிர்ச்சியை உருவாக்கிய நிலையில்.

”எங்கள் கையை வைத்து எங்கள் கண்ணையே நாங்கள் குத்திக்கொள்வோமா?. மேலும் காவல்துறையினர் எங்கள் பிள்ளைகளையே குற்றவாளிக் கூண்டில் நிறுத்தியிருப்பது கொடுமை. மூட்டைப் பூச்சிக்கு பயந்து வீட்டைக் கொளுத்துவது மாதிரி, நடிகர் விஜய்க்கு பயந்து, எங்களையே குற்றவாளியாக்கியிருக்கிறார்கள். எங்களுக்கு உண்மையான நீதி கிடைக்கும் வரை ஊரில் உண்ணாநிலைப் போராட்டம் நடத்துகிறோம்” எனக் கோபத்தில்  வெடிக்கிறார்கள் வேங்கை வயல்  மக்கள். புதுக்கோட்டை மாவட்டம், இறையூர் வேங்கைவயல் கிராமத்தில்

40-க்கும் மேற்பட்டவர்களிடம் டி.என்.ஏ சோதனை, ஐந்துக்கும் மேற்பட்டவர்களிடம் குரல் மாதிரி சோதனை நடத்தினர். இந்த விவகாரத்தைக் கண்டித்து பல அரசியல் கட்சிகள் ஆர்ப்பாட்டம் நடத்தினர். அதனால், இந்தச் சம்பவம் தொடர்பாக சி.பி.சி.ஐ.டி காவல்துறை விசாரணை நடத்தி வருகின்றனர். சம்பவம் குறித்து விசாரிக்க உயர்நீதிமன்ற ஓய்வுபெற்ற நீதிபதி எம்.சத்தியநாராயணன் தலைமையில் ஒரு நபர் ஆணையத்தை அமைத்து உயர் நீதிமன்றம் உத்தரவிட்டது.

740 நாள்களைக் கடந்தும் இன்னும் குற்றப்பத்திரிகைகூட தாக்கல் செய்யப்படவில்லை என்று பலரும் குற்றம்சாட்டி வந்த நிலையில் தான், அரசு தரப்பு வழக்கறிஞர், ‘ஜனவரி மாதம் 20 - ஆம் தேதியே புதுக்கோட்டை நீதிமன்றத்தில் முரளி ராஜா, முத்துகிருஷ்ணன், சுதர்சன் ஆகிய குற்றச்செயலில் ஈடுப்பட்டதாக மூவர் மீது குற்றப்பத்திரிகையைத் தாக்கல் செய்துள்ளோம்’ எனக் கூறியதால், வேங்கை வயல் மக்கள் அதிர்ச்சியடைந்தனர். இதில், பா.ஜ.க அண்ணாமலை, கம்னியூஸ்ட் கட்சியின் சண்முகம், எடப்பாடி கே. பழனிசாமி உள்ளிட்டோர், ‘இந்த வழக்கை சி.பி.ஐ-க்கு மாற்ற வேண்டும்’ என்று அறிக்கை வெளியிட்டனர். இதற்கிடையில், இந்தக் குற்றப்பத்திரிகை தாக்கலுக்கு எதிராக விடுதலை சிறுத்தைகள் கட்சி நிர்வாகிகள் வேங்கை வயலுக்கு சென்று மக்களோடு அமர்ந்து போராட்டம் நடத்த முயன்றதால், காவல்துறையினர் கைது செய்தனர். இந்த நிலையில், வேங்கை வயல் கிராம மக்கள்  சனிக்கிழமை முதல் வேங்கை வயல் கிராமத்தில் உண்ணாநிலைப் போராட்டம் நடத்தி வருகிறார்கள். இந்தச் சூழலில், இந்த விவகாரம் குறித்து போராட்டத்தில் ஈடுப்பட்டு வரும் வேங்கை வயலைச் சேர்ந்த மக்களில் ஒருவர்.

“காவலதுறையினர்  எங்களை நம்ப வைத்துக் கழுத்தறுத்துவிட்டார்கள். குற்றப்பத்திரிகையில் குற்றம்சாட்டப்பவர்கள் மூவரும் மேல்நிலை நீர்த்தேக்கத் தொட்டியில், தண்ணீரில் மலம் கலந்த்தை ஏறிப் பார்த்து, எல்லோருக்கும் சொன்னவர்கள். ஆனால், அவர்களையே குற்றவாளியாக்கியிருப்பது, எங்கள் வயிற்றில் நஞ்சையள்ளிக் கொட்டியிருக்கிறது. சம்பவம் நடைபெற்ற நாள் முதல் நாங்கள் கைகாட்டிய குற்றவாளியை காப்பாற்றுவதற்காக, எங்கள் பிள்ளைகளை ’ஊருக்கு இளைத்தவன் ஆண்டி‘ என்பது போல் குற்றவாளியாக்கினார்கள். இங்குள்ள ஆளுங்கட்சி நபர்கள், உண்மையான குற்றவாளிக்கு சார்பாகவும், எங்களுக்கு எதிராகவும் உருவாக்கிய திரைக்கதையை காவல் துறை குற்றப்பத்திரிகையாக கோர்ட்டில் சமர்பித்திருக்கிறார்கள். அம்பேத்கர் புத்தக வெளியீட்டு விழாவில் எங்களை அழைத்து, விருது கொடுத்தார்கள்.அப்போது, அதில் கலந்துகொண்ட தமிழக வெற்றிக் கழகத் தலைவர் நடிகர் விஜய், ‘வேங்கை வயல் பிரச்னையில் உண்மை ஜெயிக்க வேண்டும். உங்கள் ஊருக்கு விரைவில் வருகிறேன்’ என்று எங்களிடம் சொன்னார். அதேபோல், கடந்த ஒரு வார காலமாக, ‘விஜய் வேங்கை வயலுக்கு வரப்போகிறார்’ என்று தகவல் பரவியது. அப்படி நடந்தால், உண்மையான குற்றவாளிகளைக் காப்பாற்ற முடியாது எனப் பயந்து, அதனால் ஏற்படும் அரசியல் அழுத்தத்துக்குப் பயந்து, எங்கள் பிள்ளைகளை பலிகொடுத்திருக்கிறார்கள.

அதாவது, மூட்டைப் பூச்சிக்கு பயந்து, வீட்டைக் கொளுத்திய கதையாக நடிகர் விஜய்க்கு பயந்து, அப்பாவியான இளைஞர்களைக் குற்றவாளிக் கூண்டில் ஏற்றியிருக்கிறார்கள். உண்மையான குற்றவாளிகளைக் கண்டறியும் வரையில் நாங்கள் தொடர் உண்ணாவிரதப் போராட்டத்தை வாபஸ் வாங்கப்போவதில்லை” என்றார் உறுதியாக!.  நெருக்கடி தருகிறார்கள்’

அடுத்துப் பேசியவர்,

“இவ்வளவு நாளும் நாங்கள் கைகாட்டிய குற்றவாளிகளை ஏதும் செய்யாமல், எங்கள் தரப்பையே குற்றவாளியாக்கியதால், நாங்கள் உண்ணாவிரதப் போராட்டம் நடத்தி வருகிறோம். ஆனால், காவல்துறை, போராட்டத்தைக் கைவிடும்படி நெருக்கடி தருகிறார்கள். இலுப்பூர் ஆர்.டி.ஓ அக்பர் அலி ஞாயிற்றுக் கிழமையன்று வந்து, ‘போராட்டத்தைக் கைவிடுங்கள். உங்களுக்கு தேவையான அடிப்படை வசதிகளைச் செய்து தருகிறோம்’ என்று நைசாகப் பேசி, எங்கள் போராட்டத்தை கலைக்கப் பார்த்தார்கள். ஆனால் நாங்கள், ‘எங்களுக்கு தேவை உண்மையான குற்றவாளிகளைக் கண்டுப்பிடிக்க வேண்டும் என்பது தான். 1964 - ஆம் ஆண்டிலேயே எங்கள் பாட்டன்,  உழுத நில உரிமையைப் பறித்து, இங்குள்ள ஆதிக்க சக்திகள் எங்கள் முன்னோர்களைக் கொடுமைப்படுத்தினர். அதை மீட்கப் போராடியதால், சில பெண்கள் தாலியை இழந்தனர். இப்போது நாங்கள், இந்த மலம் கலந்த தண்ணீர் பிரச்னையில் அதே ஆதிக்கச் சக்திகளால் குற்றவாளியாக்கப்பட்டிருக்கிறோம். ஆண்டாண்டு காலமாக அடிமைப்படுத்தப்பட்டு, இங்குள்ளவர்களால் கொடுமைக்கு ஆளாவதே எங்களுக்கு விதிக்கப்பட்டுள்ளது. எங்களைக் குற்றவாளியாக்கிவிட்டு, நீங்கள் தரும் அற்ப வாக்குறுதிகளை வைத்துக்கொண்டு, நாங்கள் என்ன செய்வது?’ எனச் சொல்லி மறுத்துவிட்டோம்.   ’ மாவட்ட ஆட்சியர் கலைந்து செல்லுங்கள்’ என்று சொல்லிப் பார்த்தும், நாங்கள் மறுத்துவிட்டோம். எங்கள் மீது விழுந்த களங்கம் மறையும் வரையில் போராட்டத்தில் இருந்து பின்வாங்கப்போவதில்லை” என்றார் அடுத்துப் பேசிய நபர் 

“முதல்கட்டமாக இந்தக் குற்றப்பத்திரிகை தாக்கல் செய்ததைக் கண்டித்து, வேங்கை வயல் மக்களோடு அமர்ந்து போராடிய போது, காவல் துறையினரால் கைது செய்யப்பட்டு வெளியேற்றப்பட்டோம். அதனால், எங்கள் கட்சி தலைமையிடம் தகவல் தெரிவித்தோம். தமிழ்நாடு அரசு தரப்பில் பேசிவிட்டு சொல்வ்தாகச் சொல்லியுள்ளார். ‘குற்றப்பத்திரிகையை ஏற்க கூடாது’ என்று நீதிமன்றத்தில் மனுதாக்கல் செய்துள்ளோம். புதுக்கோட்டையில் எங்கள் கட்சியின் மூன்று மாவட்டங்கள் சார்பில் கட்சி தலைமையின் ஆலோசனையோடு இந்த விவகாரத்திற்கு எதிராக பெரிய அளவில் முன்னெடுப்புகளை செய்ய இருக்கிறோம்” என்றார்.இறுதியாக, இந்த விவகாரம் குறித்து இந்த வழக்கை விசாரித்து வரும் சி.பி.சி.ஐ.டி டி.எஸ்.பி கல்பனாதத்திடம் பேசினோம்.

”ஆல்ரெடி பிரஸ் நோட் கொடுத்திருப்பாங்களே” என்றார். நாம் இந்த விவகாரத்தில் வேங்கை வயல் கிராம மக்கள் சொன்ன வஷயங்கள் குறித்து கேட்க, “சி.பி.சி.ஐ.டி-யைப் பொறுத்தவரையில் ஹெட் ஆபிஸில் கொடுப்பது தான். தனிப்பட்ட முறையில் கொடுக்க முடியாது. ஸாரி சார். இதுவரைக்கு பிரஸ் நோட்டாக கொடுக்கப்பட்டுள்ளது மட்டும் அஃபிஸியாலாக உள்ள தகவல். இன்வெஸ்டிகேஷன் சம்மந்தப்பட்ட விவகாரம் என்பதால், வேறு எதையும் உங்களிடம் ஷேர் பண்ண முடியாது” என்றதோடு, முடித்துக்கொண்டார்.வேங்கைவயல் விவகாரத்தைப் போல ஒரு வழக்கை இதுவரை மக்கள் கண்டதில்லை !

இது வரை சிபிசிஐடி தரப்பில் 397 சாட்சிகள் ,196 செல்போன்கள் ஆய்வு ,1 லட்சத்துக்கும் மேற்பட்ட தொலைபேசி எண்களை உள்ளடக்கிய 87 செல்போன் டவர்கள் ,31 நபர்களிடம் DNS சோதனை,நீக்கம் செய்யப்பட்ட செல்லுலார் தொலைபேசி உரையாடல்கள் ,Delete செய்யப்பட்ட படங்கள் , வீடியோக்கள் ,

என அலசி ஆராய்ந்த தமிழ்நாடு சிபிசிஐடி காவல்துறை குற்றவாளிகள் மீது துல்லியதாக்குதல் நடத்தியிருக்கிறதா இல்லை ஏதோ அரசியல் காரணங்களுக்காக மடைமாற்றமா என்பது தற்போது சிபிசிஐடி நீதிமன்றத்தில் தாக்கல் செய்த குற்றப்பத்திரிகை ஏற்கப்படுமா இல்லையா என்பதை வைத்து மூன்றாம் தேதி வெளிவரும் தீர்ப்பில் முடிவாகும்.